وزیر خزانہ اسحاق ڈار نے متعلقہ حکام کو ٹیکسٹائل سیکٹر کے مسائل ترجیحی بنیادوں پر حل کرنے کی ہدایت کردی۔
تفصیلات کے مطابق وزیرخزانہ اسحاق ڈار سے آل پاکستان ٹیکسٹائل ملز ایسوسی ایشن کے وفد نے ملاقات کی جس میں وفد نے کپاس کی کم از کم قیمت مقرر کر کے مدد کرنے پر حکومتی اقدام کو سراہا۔
وفد نے وزیرخزانہ کو ٹیکسٹائل انڈسٹری کو درپیش مسائل سے آگاہ کیا۔
- Advertisement -
وزیر خزانہ نے معاشی بہتری میں ٹیکسٹائل سیکٹر کے کردار کو سراہتے ہوئے کہا کہ ٹیکسٹائل سیکٹر کو سہولیات فراہم کرنے سے برآمدی شعبہ مضبوط ہوگا۔
وزیر خزانہ نے متعلقہ حکام کو ٹیکسٹائل سیکٹر کے مسائل ترجیحی بنیادوں پر حل کرنے کی ہدایت کی۔ اپٹما وفد نے مسائل کو بروقت حل کرنے کیلئے تعاون پر وزیرخزانہ کا شکریہ ادا کیا۔
