شوبز انڈسٹری کے معروف ہدایت کار عاصم رضا کا کہنا ہے کہ اداکارہ سجل علی اپنے کردار میں کھو جاتی ہیں۔
پاکستانی ڈرامہ انڈسٹری کے ہدایت ڈائریکٹر عاصم رضا نے حال ہی میں ایک ویب شو میں شرکت کی اور سجل علی کی اداکاری سے متعلق اپنی رائے کا اظہار کیا۔
انہوں نے کہا کہ سجل علی کے کام کا حسن یہ ہے کہ وہ جب کام کررہی ہوتی ہیں تو اپنے آپ کو بھول جاتی ہیں اور پوری طرح اسکرپٹ میں لکھے اپنے کردار میں کھو جاتی ہیں۔
View this post on Instagram
عاصم رضا کا کہنا تھا کہ قدرتی طور پر اداکارانہ صلاحیت رکھنے والے اداکار تو بہت سارے ہیں لیکن سجل علی ایک جنگجو کی طرح بہترین کارکردگی دکھانے کی کوشش کرتی ہیں جیسے انہوں نے کسی کو ہرانا ہو تو ان کا کام کے لیے یہ جذبہ لاجواب ہے۔
اس سے قبل ایک انٹرویو میں سجل علی کا کہنا تھا کہ ’وہ بھارتی ہدایتکار امتیاز علی کے ساتھ کام کرنے کی خواہش مند ہیں، ساتھ انہوں نے یہ بھی کہا تھا کہ میں بالی ووڈ کے معروف اداکار رنبیر کپور کے ساتھ کام کرنا چاہتی ہوں ‘۔
View this post on Instagram
واضح رہے کہ اداکارہ سجل علی نے اے آر وائی ڈیجیٹل کے مقبول ڈرامہ سیریل ’صنف آہن‘ میں ’رابعہ سفیر کا کردار ادا کیا تھا،
انہوں نے 2017 میں بھارتی فلم ’موم‘ میں اداکاری کے جوہر دکھائے تھے جس میں انہوں نے سری دیوی کی بیٹی کا کردار نبھایا تھا۔
