نئی دہلی: بھارت میں موسلادھار بارش کے بعد سیلاب نے تباہی مچادی، سیلابی پانی میں بہہ جانے والے درجنوں مویشیوں سے متعلق ویڈیو سوشل میڈیا پر وائرل ہوگئی۔
غیرملکی میڈیا رپورٹ کے مطابق بھارتی ریاست گجرات میں تیزبارش کے بعد سیلابی صورت حال ہے، سیلاب میں بہہ جانے والے کئی مویشیوں کی ویڈیو سوشل میڈیا پر وائرل ہے جس پر صارفین گہرے دکھ کا اظہار کررہے ہیں۔
رپورٹ کے مطابق سیلاب کے باعث ریاست کے مختلف گاؤں دوب چکے ہیں، پانی کے تیز بہاؤ کے بعد تغیانی آچکی ہے۔ سیلاب کے باعث کئی مکانات کو نقصان پہنچا تاہم کسی جانی نقصان کی اطلاعات نہیں ہیں۔
#WATCH Gujarat: Cattle washed away in flood at Khijadiya Mota village in Paddhari, Rajkot due to incessant rainfall. pic.twitter.com/QHAXW7tLIX
— ANI (@ANI) July 7, 2020
امکان ظاہر کیا جارہا ہے کہ بہہ جانے والے جانور مرسکتے ہیں کیوں کہ اب تک مویشیوں کو ریسکیو نہیں کیا جاسکا ہے۔ اور نہ ہی اُس جگہ کا تعین ہوا ہے کہ گائے بہہ کر کہاں گئے ہیں۔
بھارتی محکمہ موسمیات نے آئندہ چند دنوں تک بارش کے جاری رہنے کی پیش گوئی کی ہے۔
