اسلام آباد : ملک بھر کے بجلی صارفین سے سالانہ 860 ارب روپے کی ٹیکس وصولیوں کا انکشاف ہوا جبکہ بجلی بلوں کی تمام کیٹیگریز پر 18 فیصد سیلز ٹیکس عائد کردیا گیا۔
تفصیلات کے مطابق قومی اسمبلی کی قائمہ کمیٹی برائے توانائی کا اجلاس ہوا، جس میں سیکریٹری پاور اجلاس میں بتایا کہ ایف بی آر نے پاور سیکٹر کو ٹیکس کلیکشن ایجنٹس بنا دیا اور بجلی بلوں کی تمام کیٹگریز پر 18 فیصد ٹیکس عائد کر دیا گیا ہے۔
سیکریٹری پاور کا کہنا تھا کہ 500 روپے سے 2000 کے بل پر 10 سے 12 فیصد ٹیکس عائد کیا گیا ہے اور 25 ہزار کے بل پر 7.5 فیصد ایڈوانس ٹیکس جبکہ 4 فیصد مزید سیلز ٹیکس بھی عائد ہے اور اِن ایکٹو کنزیومرز پر 7.5فیصد اضافی سیلز ٹیکس ہے۔
سیکریٹری پاور نے کہا کہ بل میں بجلی صارفین سے 860 ارب روپے ٹیکس وصول کرکے ہم ایف بی آر کو جمع کراتے ہیں۔
حکام نے بریفنگ دیتے ہوئے بتایا کہ اس وقت پاور سیکٹر کا گردشی قرض 2310 ارب روپے تک پہنچ چکا ہے، 4سال میں گردشی قرض میں 1800 ارب روپے کا اضافہ ہوا۔
بریفنگ میں کہا گیا کہ 2023میں پاور سیکٹر کا گردشی قرض 2310 ارب روپے تھا، 2022میں 2253ارب،2021میں گردشی قرض 2280روپے ، 2020میں پاورسیکٹرکاگردشی قرض 538ارب روپےتھا، اس سال 83 ارب کا گردشی قرض ایڈ ہوگا۔
