کراچی : شہر قائد میں گائے اور بھینسوں میں پھوڑوں کی جلدی بیماری پھیلی گئی، ڈیری فارمرز نے وفاق اور وزیر اعظم سے مدد کی اپیل کردی ہے۔
تفصیلات کے مطابق ڈیری فارمرز ایسوسی ایشن نے جانوروں کی جلدی بیماری پر وزیر اعظم کو خط لکھ دیا ، جس میں وفاق اور وزیر اعظم سے مدد کی اپیل کی ہے۔
خط میں کہا گیا ہے کہ تقریباً 10لاکھ جانور مختلف بھینس باڑوں اور ڈیری فارمز میں موجود ہیں، کراچی میں گائے اور بھینسوں میں پھوڑوں کی جلدی بیماری پھیلی ہے۔
ڈیری فارمرزایسوسی ایشن کا کہنا ہے کہ طبی ماہرین کے مطابق بیماری لمپی اسکن ڈیزیزہے، ڈیری فارمرز کو بیماری دداؤں کا پتہ نہیں، بیماری آہستہ آہستہ دیگر اضلاع میں بھی پھیل رہی ہے۔
خط میں درخواست کی گئی ہے کہ فوری حکومتی سطح پر بیماری کے خاتمے کی کوشش کی جائےاور فارمر کو ویکسین اور ادویات فراہم کی جائیں۔
