The news is by your side.

Advertisement

”تارک مہتا کا الٹا چشمہ“ کے شائقین کیلیے بُری خبر آگئی

ممبئی: مشہور بھارتی ڈرامہ سیریل ”تارک مہتا کا الٹا چشمہ“ کی سب سے زیادہ پسند کی جانے والی کردار ”دیا بین“ کی واپسی مشکل ہوگئی۔

بھارتی میڈیا کے مطابق ڈرامے میں ”دیا بین“ کے کردار کے لیے آرٹسٹ کی تلاش شروع کر دی گئی ہے، جلد آڈیشن لیے جائیں گے۔ دشا وکانی نے ڈرامے میں واپسی سے انکار کر دیا ہے۔

ڈرامے کے پروڈیوسر اسیت کمار نے تصدیق کرتے ہوئے بتایا ہے کہ دشا وکانی ڈرامے میں واپس نہیں آ رہیں، ”دیا بین“ کے کردار کے لیے جلد ہی نیا چہرہ سامنے آئے گا۔

مزید پڑھیں: 50 روپے کمانے والے ”تارک مہتا کا الٹا چشمہ“ کے مشہور کردار

دشا وکانی ”تارک مہتا کا الٹا چشمہ“ میں سب سے مقبول کردار نبھا رہی تھیں۔ انہوں نے 2019 میں سیریل کو الوداع کر دیا تھا۔

گزشتہ ماہ پروگرام پروڈیوسر اسیت کمار نے بتایا تھا کہ ”دیا بین“ کے کردار کو واپسی لانے کے لیے منصوبہ بندی کی جا رہی ہے، گزشتہ دو برس ہمارے لیے کافی مشکل ثابت ہوئی۔

ان کا کہنا تھا کہ معلوم نہیں کہ وہ واپس آئیں گی یا نہیں لیکن کوشش جاری ہے اور صورتِ حال بہتر ہو رہی ہے۔

ڈرامے میں ”تارک مہتا“ کا کردار نبھانے والے سلیش لودھا بھی سیریل میں مزید کام کرنے سے انکار کر چکے ہیں۔ سلیش لودھا نے 14 سال بعد ڈرامہ سیریل کو خیرباد کہہ دیا۔

Comments

یہ بھی پڑھیں