تفریح یا تحقیق کے لیے زیر آب جانا ایک طرف تو بہت ایڈونچرس ہوسکتا ہے لیکن اس کے ساتھ ساتھ یہ خطرناک بھی ہوتا ہے کیونکہ آپ خطرناک آبی جانوروں کی پناہ گاہ میں مداخلت کرنے جارہے ہوتے ہیں۔
زیر آب جانے والے کئی ڈائیورز کے ساتھ خوفناک واقعات پیش آتے رہتے ہیں جو عموماً شارک کے ساتھ مڈ بھیڑ کے ہوتے ہیں، کچھ خوش قسمت ڈائیور ہی ایسے موقع پر اپنی جان بچانے میں کامیاب رہتے ہیں۔
حال ہی میں ایسی ہی ایک رونگھٹے کھڑے کردینے والی ویڈیو سوشل میڈیا پر وائرل ہو رہی ہے۔
ویڈیو کہاں کی ہے اس بارے میں کوئی معلومات نہیں، البتہ اس میں سبز رنگ کا دھند بھرا پانی دکھائی دے رہا ہے جس میں حد نگاہ بے حد کم ہے۔
کیمرے کے سامنے ایک ڈائیور موجود ہے، 6 سیکنڈ کی اس ویڈیو میں اچانک ڈائیور کے پیچھے سے ایک قوی الجثہ شارک اپنا منہ کھولے نمودار ہوتی ہے۔
خوش قسمتی سے ڈائیور کو بھی کسی کی موجودگی کا احساس ہوتا ہے اور عین اسی وقت وہ پنا سر نیچے جھکا لیتا ہے، جس کے بعد شارک اس کے سر کے عین اوپر سے ذرا سا فاصلے سے گزر جاتی ہے۔
Scary encounter between a diver and shark in bad visibility conditions 😳 pic.twitter.com/cTWGgCjiql
— OddIy Terrifying (@OTerrifying) January 26, 2023
اس ویڈیو کو دیکھ کر سوشل میڈیا صارفین نے بھی اپنے دل تھام لیے، کئی افراد نے اسے خوفناک اور رونگھٹے کھڑے کردینے والی ویڈیو قرار دیا۔
