اشتہار

لیونل میسی اور ان کی اہلیہ میں طلاق سے متعلق اہم خبر سامنے آگئی

اشتہار

حیرت انگیز

عالمی شہرت یافتہ فٹبالر لیونل میسی اور ان کی اہلیہ انتونیلا روکوزو کے درمیان طلاق کی خبروں کی تردید سامنے آگئی۔

سابق ہسپانوی کھلاڑی سیسک فیبریگاس کی اہلیہ ڈینییلا سیمان نے ایک انسٹاگرام پوسٹ میں سوشل میڈیا پر چلنے والی خبروں کی تردید کی ہے جن میں لیونل میسی اور ان کی اہلیہ انتونیلا روکوزو کے درمیان کشیدگی کے بارے انکشاف کیا گیا تھا۔

ڈینیلا سیمان کا کہنا تھا کہ لیونل میسی اوران کی اہلیہ انتونیلا روکوزو کے درمیان طلاق کی خبریں درست نہیں ہیں، ہر وہ چیز جو شائع ہوتی ہے اس کا مطلب یہ نہیں ہوتا کہ وہ درست ہے۔انہوں نے کہا کہ اس حوالے سے جھوٹی خبریں پھیلائی جارہی ہیں۔

- Advertisement -

یاد رہے کہ اس سے قبل ارجنٹائن کے صحافی گونزالو واسکیز کی جانب سے کہا گیا تھا کہ لیونل میسی کو اپنی اہلیہ انتونیلا روکوزو کے ساتھ کشیدگی کا سامنا ہے جس سے ان کے تعلقات کو خطرہ ہے اور ان کے درمیان طلاق کا خدشہ ہے۔

غیر ملکی میڈیا رپورٹس میں بھی اس حوالے سے دعویٰ کیا گیا تھا کہ میسی کا ارجنٹائن کی صحافی صوفیہ مارٹینز کے ساتھ تعلقات میں بڑھ رہے ہیں اور انتونیلا کے ساتھ ان کے ازدواجی تعلقات ختم ہونے والے ہیں۔

برازیل ارجنٹینا کوالیفائر، میسی احتجاجاً گراؤنڈ سے باہر چلے گئے

واضح رہے کہ عالمی شہرت یافتہ ارجنٹائن کے فٹبالر لیونل میسی، انتونیلا روکوزو کے ساتھ 2017 میں شادی کے بندھن میں بندھے تھے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں