امریکا میں رواں برس سے جون میں منعقد ہونے والے ٹی 20 ورلڈکپ میں پاک بھارت میچ کا شائقین کرکٹ کو شدت سے انتظار ہے۔
روایتی حریفوں کے درمیان ہونے والے میچ کے لیے میگا ایونٹ کے قریب آتے ہی ٹکٹوں کی قیمتیں دگنی سے بھی زیادہ ہوگئی ہیں۔
2 جون سے شروع ہونے والے اِس ٹورنامنٹ میں بھارت اور پاکستان کے درمیان میچ 9 جون کو کھیلا جائے گا۔
رپورٹس کے مطابق پاک بھارت میچ کے ٹکٹ کی قیمتیں حیران کن اضافے کے بعد 2500 ڈالر (6 لاکھ 96 ہزار) تک پہنچ گئی ہیں جس کی قیمت پہلے 1300 ڈالر (3 لاکھ 60 ہزار) تھی۔
امریکا اور کینیڈا میں مقیم پاکستانی اور بھارتی تارکین وطن کی ایک بڑی تعداد اس میچ کے ٹکٹ حاصل کرنے کی خواہاں ہے۔ قیمتوں میں اضافے کی وجہ ٹکٹوں کی مانگ میں اضافہ ہے۔
ٹی ٹوئنٹی ورلڈکپ کا آغاز 2 جون کو ریاست ٹیکساس کے گرینڈ پریری اسٹیڈیم میں امریکا بمقابلہ کینیڈا کی کرکٹ ٹیموں کے درمیان میچ سے ہوجائے
ٹی 20 ورلڈ کپ کے لیے ویسٹ انڈیز کے 15 رکنی اسکواڈ کا اعلان
گا۔ متعدد ٹیمیں اپنے اسکواڈ کا اعلان کرچکی ہیں، ٹورنامنٹ میں 20 ٹیمیں 55 میچز کھیلیں گی۔
پانچ، پانچ کے 4 گروپس میں ان ٹیموں کو تقسیم کردیا گیا ہے، جس میں سے ہر گروپ کی 2 ٹاپ ٹیمیں سپر ایٹ راؤنڈ میں جگہ بناسکتی ہیں۔
