اسلام آباد: پی ٹی آئی کے لئے اپنی خدمات پیش کرنے کے بعد ڈی جے بٹ نے ن لیگ کی تقریب میں بھی اپنی خدمات پیش کیں۔
تفصیلات کے مطابق وزیر اعلیٰ پنجاب نے لودھراں سے لاہور تک ریلوے کے ڈبل ٹریک کا افتتاح کیا ، ریلوے ٹریک کی افتتاحی تقریب میں ن لیگ نے ڈی جے بٹ کی خدمات حاٖصل کیں، ڈی جے بٹ نے رائے ونڈ اور لودھران کے درمیان ڈبل ٹریک ریلوے کی تقریب میں اپنے ساونڈ سسٹم کی خدمات پیش کی۔
ڈی جے بٹ نے کہا کہ سرکاری ہو یا نجی اصل چیز کام ہے، ساتھ ہی انھوں نے اے آر وائی کا شکریہ بھی ادا کیا۔
واضح رہے کہ اس سے قبل ڈی جے بٹ پی ٹی آئی کے دھرنوں میں اپنے فن کا مظاہرہ کر چکے ہیں۔
