آج زندگی کی ضرورت بن جانے والے اسمارٹ فونز میں اب بھی کئی ایسے فیچرز ہیں جن سے صارفین کی بڑی تعداد ناواقف ہے۔
اسمارٹ فون آج تقریباْ ہر شخص کے ہاتھ میں نظر آتا ہے جس کے ذریعے وہ نہ صرف کسی دوسرے سے رابطے میں رہتا ہے بلکہ اپنے روزمرہ کے کئی اہم امور بھی انجام دیتا ہے لیکن کئی ایسے صارفین بھی ہوں گے جو اپنے پاس موجود اینڈرائیڈ فون کے بہت سے دلچسپ اور خاص فیچرز سے ناواقف ہوں گے، آج کچھ ایسے ہی فیچرز کے بارے میں آپ کو بتارہے ہیں۔
فون چوری یا گم ہونا ایک بڑا مسئلہ ہے اگر کسی کے ساتھ ایسا واقعہ ہوجائے تو قیمتی موبائل کے ساتھ بہت اہم اور ذاتی معلومات غائب یا افشا ہونے کا مسئلہ درپیش ہوتا ہے اس کا مسئلے سے نمٹنے کے لیےیہ آپشن استعمال کیا جاسکتا ہے۔
سیٹنگ پر جائیں اور وہاں سے سیکیورٹی پر جاکر ڈیوائس مینیجر کے آپشن میں سے اینڈرائیڈ ڈیوائس منیجر کا انتخاب کریں اور ریموٹلی لوکیٹ دِس ڈیوائس سے allow remote lock and erase کے آپشن پر کلک کریں۔ اب اگر آپ کا فون چوری یا گم ہوجاتا ہے تو آپ ویب سائٹ کے ذریعے اس کا سارا ڈیٹا ختم کرسکتے ہیں اور موبائل فون لاک بھی کرسکتے ہیں، ہے نا یہ کارآمد فیچر۔
اگر آپ کا دوست آپ کا اسمارٹ فون مانگے، آپ دوست کو منع بھی نہیں کرسکتے اور اپنا ڈیٹا بھی اس سے چھپانا چاہتے ہیں تو اس کا حل بھی ہے۔ اس کے لیے آپ مہمان (گیسٹ) موڈکا آپشن استعمال کریں، اپنے فون کو سوائپ کریں اور اوپر دائیں طرف موجود یوزر آئیکون کو ٹچ کریں تو ایک گیسٹ آئیکون سامنے آجائے گا، اب آپ یہاں ان سہولتوں اور آپشن پر کلک کردیں جنہیں آپ اپنے دوست کو استعمال کرنے کی اجازت دے سکتے ہیں، اس سے آپ کا ڈیٹا بھی چھپ سکتا ہے۔
اگر آپ کی نظر کمزور ہے تو پریشان نہ ہوں اینڈرائیڈ کا یہ آپشن استعمال کریں۔ جائیں سیٹنگز کے آپشن پر پھر وہاں سے ایسیسبلٹی تک اور اس کے بعد میگنیفکیشن کا آپشن استعمال کریں۔ اس حیرت انگیز آپشن کے ذریعے اسکرین کے کسی بھی حصے کو تھپتھپا کر زوم کرکے دیکھا جاسکتا ہے۔
اپنے اینڈرائیڈ فون پر آپ کا کوئی مضمون یا کتاب پڑھنے کا دل نہیں چاہ رہا تو کوئی بات نہیں آپ اسے سن بھی سکتے ہیں اس کے لیے ٹیکسٹ ٹو اسپیچ آپشن ہے نا! یہ آپشن تحریر کو آواز میں بدل کر سناسکتا ہے۔ اس کے لیے آپ نے صرف اتنا ہی کرنا ہے کہ سیٹنگز میں جاکر ایسسیبلٹی آپشن پر جاکر ٹیکسٹ ٹو اسپیچ کا آپشن آن کردیں، پھر ہیڈ فون کانوں سے لگائیں اور آنکھیں بند کرکے اپنا پسندیدہ مضمون یا کتاب سنیں۔
اگر آپ نے مختلف ڈیوائسز چلانی ہیں تو اس کے لیے موڈیم اور راؤٹر خریدنے پر اپنی رقم خرچ مت کریں اسمارٹ فون کو استعمال میں لائیں کیونکہ یہ ازخود وائی فائی ہاٹ اسپاٹ بن سکتا ہے۔ سیٹنکز میں جاکر ٹیتھرنگ اینڈ پورٹیبل ہاٹ اسپاٹ پر جاکر پورٹیبل WLAN ہاٹ اسپاٹ آپشن چیک کردیجیے۔
اپنے اسمارٹ فون کو سر کی حرکت سے کنٹرول کرنے کے لیے ایک فری ایپ فیشل eva فیشل ماؤس کا استعمال کریں۔
بیٹری پاور کا مسئلہ درپیش ہے تو آپ اپنے اسکرین کے لیے سیاہ بلیک گراؤنڈ کو منتخب کریں جس سے ازخود پکسل ہائی لائٹ کا آپشن بند ہوجائے گا اور آپ کی بیٹری دیر تک چلے گی تاہم یہ فیچر تمام اینڈرائیڈ فونز میں دستیاب نہیں۔
