سائنس ہماری زندگی میں اہم کردار ادا کرتی ہے کیونکہ کئی افعال کا دارومدار اسی پر ہوتا ہے کیا آپ اس کے دلچسپ اور خطرناک حقائق سے واقف ہیں اگر نہیں تو ہم آپ کو بتاتے ہیں۔
دنیا جیسے جیسے ترقی کی منازل طے کرتی جا رہی ہے انسان پر حقائق کے کئی حیرت انگیز در وا ہوتے جا رہے ہیں جن میں سے کچھ دلچسپ ہیں تو کچھ خطرناک بھی آج ہم آپ کو کچھ ایسے ہی حقائق سے آگاہ کر کے آپ کی معلومات میں اضافہ کر رہے ہیں۔
نا قابل یقین حقیقت:
کسی بھی جاندار کا بغیر سر کے زندہ رہنا تقریباً نا ممکن ہے لیکن گزشتہ صدی میں یہ انہونی ہو چکی ہے۔ یہ ناقابل یقین واقعہ 1945 میں پیش آیا جب10 ستمبر 1945 کو ایک امریکی فارمر لوئیڈ اولسن نے مرغا کاٹا لیکن وہ مرا نہیں بلکہ 18 ماہ تک بغیر سر کے زندہ رہا۔
خطرناک سائنسی حقائق:
اگر آپ ٹائی پہنتے ہیں تو یہ بات آپ کے لیے تشویشناک ہو سکتی ہے کہ ٹائی پہننے سے دماغ میں خون کا بہاؤ 7.5 فیصد تک کم ہو جاتا ہے۔
آپ ہنستے ہوئے مر سکتے ہیں۔ عام طور پر شدید قہقہ اور مسلسل ہنستے رہنا دل کا دورہ پڑنے یا دم گھٹنے کا سبب بن سکتا ہے اور ماضی میں ایسے کئی واقعات رونما بھی ہو چکے ہیں۔
اس لیے کامیڈی شوز دیکھتے وقت احتیاط برتیں۔
انگریزی زبان کا سب سے بڑا لفظ pneumonoultramicroscopicsilicovolcanokoniosis ہے جو کہ پھیپڑوں کی ایک قسم کی بیماری ہے۔
دلچسپ سائنسی حقائق:
ایک بادل کا وزن تقریباً ایک ملین ٹن ہوتا ہے۔
زرافوں کے مقابلے میں آسمانی بجلی گرنے کا امکان 30 گنا زیادہ ہوتا ہے۔
جڑواں بچوں کی بہت سی عادت واطوار تو مشترک ہو سکتی ہیں لیکن ان کی انگلیوں کے نشانات قطعی ایک جیسے نہیں ہوتے۔
آپ کا دماغ مسلسل خود کو کھا رہا ہے اور اس عمل کو phagocytosis کہا جاتا ہے۔ جس میں خلیے چھوٹے خلیات یا مالیکیولز کو اعصابی نظام سے نکالنے کے لیے انہیں کھاتے ہیں۔
تاہم فکر کی کوئی بات نہیں کیونکہ یہ عمل نقصان دہ نہیں ہے بلکہ آپ کے دماغ کو محفوظ رکھنے میں مدد کرتا ہے۔
ڈائنا سار اب تک دنیا کا دریافت سب سے بڑا جانور ہے اسی مناسبت سے اس کی ہر چیز دیگر جانوروں کے مقابلے میں بڑی ہے۔ اب تک ڈائنا سار کا جو فضلہ دریافت ہوا ہے اس میں ایک ٹکڑا 30 سینٹی میٹر لمبا اور وزن دو لیٹر سے زائد ہے۔
دنیا کے بیکٹریا کتنے ہیں اس کا اندازہ اس بات سے لگایا جا سکتا ہے کہ اگر تمام بیکٹریا کو اگر ایک دوسرے کے اوپر رکھ دیا جائے تو یہ فاصل 10 ارب نوری سال کے برابر ہوگا۔
