The news is by your side.

Advertisement

کیا آپ پیاز کا یہ حیرت انگیز فائدہ جانتے ہیں؟

پیاز ہر گھر کی ضرورت اور باورچی خانے کا لازمی جزو ہے، لیکن پیاز صرف کھانے کے کام ہی نہیں آتی بلکہ یہ ہیٹ اسٹروک سے بھی بچاتی ہے۔

ان دنوں گرمی اپنے عروج پر پہنچ رہی ہے ملک کے کئی شہروں میں درجہ حرارت 40 ڈگری سینٹی گریڈ سے تجاوز کرچکا ہے اور محکمہ موسمیات کی جانب سے رواں ہفتے شدید گرمی اور ہیٹ ویوو کی وارننگ بھی جاری کی گئی ہے۔

گرمی سے بچنے کے یوں تو دیگر بہت سے طریقے ہیں لیکن سب سے سستا اور آسان طریقہ ہے پیاز۔

پیاز جس کے بغیر ہمارے ہاں کسی کھانے کا تصور محال ہے۔ پیاز کچی بھی کھائی جاتی ہے دیگر سبزیوں کے ساتھ سلاد کی شکل میں ایک خوش ذائقہ اور صحت مند غذا ہے لیکن یہ لذت کام ودہن کے ساتھ گرمی کے مضر اثرات سے بچانے کیلیے بھی بے حد مفید ہے۔

بزرگ گرمی سے بچنے کیلیے گھر سے باہر نکلتے وقت ہمیشہ پیاز ساتھ رکھنے کا مشورہ دیتے رہے ہیں دراصل پیاز میں گرمی جذب کرنے کی زبردست صلاحیت ہوتی ہے۔ یہی وجہ ہے کہ دھوپ میں نکلتے وقت جب پیاز پاس ہوتی ہے جسم کو نقصان پہنچانے سے پہلے باہر سے آنے والی گرمی کو روک لیتی ہے۔ پیاز میں آئرن، اینٹی آکسیڈنٹس، ضروری وٹامنز اور بہت کچھ ہوتا ہے۔ یہ فولیٹ سمیت وٹامن سی اور بی سے بھی بھرپور ہے۔ اس موسم گرما میں جسم کو ٹھنڈا رکھنے کے لیے پیاز اپنے ہمراہ لازمی ساتھ رکھیں تاکہ ممکنہ ہیٹ اسٹروک سے بچ سکیں۔

پیاز میں غیر مستحکم مادے ہوتے ہیں جو جسم کے درجہ حرارت کو متوازن رکھنے میں مدد دیتے ہیں۔ تو پیاز کو صرف ساتھ ہی نہیں رکھیں بلکہ ساتھ رکھنے کے ساتھ اپنی خوراک کا لازمی حصہ بنالیں۔ پیاز کو گرمیوں میں کئی طریقوں سے استعمال کیا جاسکتا ہے، اسے کچا کھانے کے علاوہ آم یا دیگر پھلوں کے ساتھ چٹنی بنانے میں بھی استعمال کیا جاتا ہے۔ ذائقہ بڑھانے اور وٹامن سی کی مقدار بڑھانے کے لیے کچی پیاز پر تھوڑا سا لیموں نچوڑ سکتے ہیں۔

Comments

یہ بھی پڑھیں