بھارت کی ریاست کرناٹک کے سرکاری اسپتال میں شادی کیلیے کروائے گئے فوٹو شوٹ کی ویڈیو سوشل میڈیا پر لوگوں کی توجہ کا مرکز بن گئی۔
میڈیا رپورٹس کے مطابق ڈاکٹر اور ان کی منگیتر نے سرکاری اسپتال کے آپریشن تھیٹر میں شادی کیلیے فوٹو شوٹ کروایا جس پر انتظامیہ حرکت میں آئی۔
کرناٹک حکومت نے ڈاکٹر کو فوری معطل کرتے ہوئے نوٹس جاری کیا۔ ڈاکٹر کی شناخت ابھیشیک کے نام سے ہوئی جو ایک کنٹریکٹ فزیشن ہیں۔
A doctor’s pre-wedding photoshoot in a govt hospital’s operation theatre in #Bharamasagar of #Chitradurga. Dr. Abhishek, a contract physician, performed a ‘surgery’ with his fiancee.
DHO says it was unused OT & issues notice to the administrator.#Karnataka #PreWeddingShoot pic.twitter.com/Eve0g3K9p1
— Hate Detector (@HateDetectors) February 9, 2024
سوشل میڈیا پر وائرل ویڈیو میں دیکھا جا سکتا ہے کہ ابھیشیک تھیٹر میں مریض کا آپریشن کر رہے ہیں جبکہ ان کی منگیتر معاونت فراہم کر رہی ہیں۔ اس موقع پر کیمرہ مین و دیگر عملہ موجود ہے۔
ویڈیو وائرل ہونے پر وزارت صحت نے ڈاکٹر ابھیشیک کو عہدے سے معطل کیا۔ حکومت نے کہا کہ سرکاری اسپتال ذاتی کاموں کیلیے نہیں بلکہ لوگوں کے علاج معالجے کیلیے ہوتے ہیں۔
وزیر صحت دنیش راؤ نے اپنے بیان میں کہا کہ میں نے متعلقہ ڈاکٹروں اور عملے کو ہدایت کی سرکاری اسپتالوں میں اس طرح کی حرکتوں کی کوئی گنجائش نہیں۔
دنیش راؤ نے کہا کہ ڈاکٹر اور عملے کو اپنے فرائض کی انجام دہی پر توجہ دینی چاہیے۔
