بھارت کی ریاست گجرات سے تعلق رکھنے والے کارڈیولوجسٹ ڈاکٹر گورو گاندھی 41 سال کی عمر میں دل کا دورہ پڑنے سے چل بسے۔
غیر ملکی میڈیا کے مطابق ڈاکٹر گورو گاندھی پیر کی شپ معمول کے مطابق اسپتال میں مریضوں کا چیک اپ کرنے کے بعد گھر پہنچے اور کھانا کھا کر سو گئے۔
صبح جب اہل خانہ کمرے میں داخل ہوئے تو وہ بے ہوشی کی حالت میں بستر پر پڑے۔
ڈاکٹر گورو گاندھی کو فوری طور پر اسپتال منتقل کیا گیا لیکن وہ جانبر نہ ہو سکے۔ ڈاکٹرز نے بتایا کہ گورو گاندھی کی موت دل کا دورہ پڑنے کی وجہ سے ہوئی۔
گورو گاندھی نے اپنے کیریئر میں 16 ہزار سے زائد دل کے آپریشن کیے۔ ان کی آخری رسومات میں سوگواران کی بڑی تعداد نے شرکت کی۔
قریبی دوستوں کے مطابق گورو گاندھی اپنی صحت کا بہت خیال رکھتے تھے، وہ کرکٹ کھیلتے تھے جبکہ باقاعدگی سے جم بھی جاتے تھے۔
