The news is by your side.

ڈاکٹروں نے خاتون کے پیٹ سے 55 بیٹریاں نکال لیں

آئرلینڈ میں ڈاکٹروں نے 66 سالہ خاتون کی غذائی نالی اور پیٹ سے تقریباً 55 بیٹریاں کامیاب آپریشن کے بعد نکال لیں۔

غیر ملکی میڈیا کے مطابق خاتون نے خودکشی کرنے کے لیے بیٹریاں نگل لیں تھیں جس کے بعد ان کی طبیعت خراب ہوئی۔ ڈاکٹروں نے آپریشن سے قبل ایکسرے سے جسم کے اندر موجود بیٹریوں کا جائزہ لیا۔

ڈاکٹروں کے مطابق ہم نے آپریشن سے قبل قے کے ذریعے بیٹریاں نکالنے کے بارے میں سوچا تاہم خاتون نے ایک ہفتے کے دوران صرف 5 بیٹریاں نکالیں جس کے بعد آپریشن کرنا پڑا۔

ان کا کہنا ہے کہ پہلے خاتون کی غذائی نالی اور پھر بیٹ سے بیٹریاں نکالی گئیں، خوش قسمتی سے کوئی بھی بیٹری خاتون کے معدے کے راستے میں رکاوٹ نہیں بنی۔

کچھ روز قبل مصر میں طبی نوعیت کا ایک حیرت انگیز واقعہ پیش آیا جس میں ڈاکٹروں نے آپریشن کر کے 12 سالہ بچے کے پیٹ سے سائیکل کا ہینڈل نکال لیا تھا۔

قاہرہ کے شمال میں منوفیہ گورنری کے علاقے شیبن الکوم میں واقع ٹیچنگ ہسپتال میں 12 سالہ بچے کے اہل خانہ اسے ہنگامی طور پر اسپتال لے کر آئے اور بتایا کہ بچہ گلی میں سائیکل پر کھیل رہا تھا کہ زمین پر گر گیا۔

اہل خانہ کے مطابق زمین پر گرنے کے باعث سائیکل کا ہینڈل اس کے پیٹ کو پھاڑ کر گھس گیا اور اسے شدید زخم آئے۔ ڈاکٹروں نے فوری طور پر بچے کی ہنگامی سرجری کی اور کامیاب آپریشن میں اس کے پیٹ سے ٹوٹا ہوا فریم برآمد کرلیا گیا۔

Comments

یہ بھی پڑھیں