واشنگٹن:امریکا میں دوران پرواز ایئر لائن کی غلطی کی وجہ لیگج میں بند کتا کی آکسیجن نہ ملنے کے باعث موت واقع ہوگئی۔
تفصیلات کے مطابق پیر کے روز امریکی شہر ہوسٹن سے نیو یارک آنے والی امریکی ایئرلائن کی پرواز کے دوران فرانسیسی نسل کا بلڈوگ جہاز کے عملے کی کوتاہی کے باعث طیارے میں مرگیا۔
واقعے کے عینی شاہد کا کہنا تھا کہ فضائی میزبان نے ایک مسافر پر زور دیتے یوئے کہا کہ اپنا سامان اُپری لاکر میں رکھ دیں۔ سفر کت اختتام پر جب سامان کھولا تو کتے کی موت ہوچکی تھی جس پر عملے نے موقف اختیار کیا کہ انہیں سامان میں کتے کی موجودگی کا علم نہیں تھا۔
امریکی ہوائی کمپنی نے واقعے کی ذمہ داری قبول کرتے ہوئے کہنا تھا کہ طیارے کے عملے کی کوتاہی کی وجہ سے ہی کتے کی موت ہوئی ہے۔ہوائی کمپنی کے حکام کا کہنا تھا کہ یہ المناک واقع ہے جو نہیں ہونا چاہیے تھا‘۔
امریکی ہوائی کمپنی نے اپنے بیان میں کہا کہ’ہم حادثے کی ذمہ داری قبول کرتے ہوئے متاثرہ خاندان سے گہری ہمدردی رکھتے ہیں اور مکمل حمایت کا یقین دلاتے ہیں‘۔ہم اس واقعے کی اچھی طرح تحقیقات کررہے ہیں تاکہ دوبارہ ایسا واقعہ پیش نہ آئے اور پالتو جانوروں کو کبھی اپری لاکر میں نہ رکھا جائے۔
طیارے میں سفر کرنے والی ایک عینی شاہد میگی گریمنگر نے بتایا کہ وہ متاثرہ خاتون کے پیچھے ہی بیھٹی تھی، ہوائی میزبان باضد تھی کہ خاتون اپنا سامان لاکر میں رکھ دے مگر’متاثرہ خاتون نے میزبان کو پیچھے دھکا دیتے ہوئے بتایا کہ اس کے بیگ میں کتا موجود ہے۔
جہاز کے عملے نے مسافر پر اتنا زور دیا کہ خاتون نے ان کے حکم کی تعمیل کی اور اپنا سامان اوپر والے لاکر میں رکھ دیا اور سفر کے اختتام پر اپنا بیگ نکالا تو کتے کی موت ہوچکی تھی جس پر خاتون نے جہاز کے فرش پر بیٹھ کر رونا شروع کردیا۔
عینی شاہد میگی کا سماجی رابطے کی ویب سائٹ ٹویٹر پر اپنے پیغام میں کہنا تھا کہ’اس واقعے کی وجہ سے میرا دل ٹوٹ گیا‘۔
امریکی خبر رساں ادارے کے مطابق اگرچہ اوپر والے لا کر میں ہوا جارہی تھی پھر بھی کتے کی موت آکسیجن نہ ملنے کی وجہ سے ہی ہوئی ہے۔
امریکی پالیسی کے مطابق کتوں کے جہاز میں لےجانے کےلیے اپنے ڈبوّں کا استعمال کیا جائے گا جو منظور شدہ ہونگے۔’اور اس بکس کا پورے سفر میں مسافر کی سیٹ کے نیچے یا سامنے فٹ ہونا لازمی ہوگا‘۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
