پی ڈی ایم کی حکومت کے خاتمے بعد سے اب تک ڈالر کی قیمت میں اضافے کا سلسلہ بدستور جاری ہے۔
اس حوالے سے انٹربینک اور اوپن مارکیٹ میں روپے کی قدر میں کمی کا سلسلہ کاروباری ہفتے کے پہلے روز بھی برقرار رہا۔
اسٹیٹ بینک آف پاکستان کی جانب سے سماجی رابطے کی ویب سائٹ ایکس پر جاری کردہ اعداد وشمار کے مطابق نئے کاروباری ہفتے کے پہلے روز انٹربینک میں ڈالر مزید ایک روپے مہنگا ہوکر 302 روپے کا ہوگیا۔
Interbank closing #ExchangeRate for todayhttps://t.co/WpF9PYlRM9#SBPExchangeRate pic.twitter.com/hOkqhsgiiG
— SBP (@StateBank_Pak) August 28, 2023
دوسری جانب اوپن مارکیٹ میں ڈالر کا بھاؤ ایک روپیہ اضافے سے 315 روپے تک پہنچ گیا ہے۔
خیال رہے کہ نگران حکومت کے صرف ابتدائی دو ہفتوں میں انٹربینک میں ڈالر 13 روپے مہنگا ہوا جبکہ اوپن مارکیٹ میں قدر 20 روپے تک بڑھ چکی ہے۔
یاد رہے کہ آئی ایم ایف سے قرضے کی منظوری کے باوجود امریکی ڈالر کی قیمت میں مسلسل اضافہ ہورہا ہے اس کے مقابلے میں روپیہ دن بہ دن مزید غیر مستحکم ہوتا جارہا ہے۔
