کراچی : انٹربینک میں امریکی ڈالر صرف ایک ہی دن روپے کے سامنے ٹک سکا دوسرے روز ہی اس کی قدر میں دوبارہ کمی ریکارڈ کی گئی ہے۔
تفصیلات کے مطابق پاکستانی کرنسی کے مقابلے میں ڈالر کی قدر میں اضافے کا سلسلہ سست رفتاری سے جاری ہے یومیہ بنیادوں پر قیمت میں چند پیسوں کا اضافہ ہوجاتا ہے۔
تازہ ترین اطلاعات کے مطابق ملک میں ایک دن اضافے کے بعد پاکستانی روپے کے مقابلے میں امریکی ڈالر 17پیسے سستا ہوگیا۔
Interbank closing #ExchangeRate for today https://t.co/bfEofcHWXE#SBPExchangeRate pic.twitter.com/xeNHWN25ys
— SBP (@StateBank_Pak) January 3, 2024
اسٹیٹ بینک کی سماجی رابطے کی ویب سائٹ ایکس پر جاری اعداد و شمار کے مطابق کاروباری ہفتے کے تیسرے روز امریکی ڈالر انٹربینک میں 281 روپے 72 پیسے کے ریٹ پر بند ہوا جبکہ گزشتہ کاروباری ہفتے کے آخری روز ڈالر 283 روپے 87 پیسے پر بند ہوا تھا۔
اعداد و شمار کے مطابق انٹربینک میں گزشتہ روز 02 جنوری کو ڈالر 3 پیسے مہنگا ہوکر 281 روپے 89 پیسے پر بند ہوا تھا۔ واضح رہے کہ سال 2023 میں ڈالر 55 روپے مہنگا ہوا، سال کے دوران روپے کی قدر ڈالر کے مقابلے میں 20فیصد گری۔
