کراچی : پاکستان میں ڈالر کی قدر میں کمی کا سلسلہ سست رفتاری سے جاری ہے جس کے سبب روپیہ کی قیمت استحکام کی جانب گامزن ہے۔
گزشتہ کئی روز سے مسلسل کمی کے باعث انٹربینک میں ڈالر کی قیمت میں کمی دیکھنے میں آرہی ہے۔ آج کاروباری ہفتے کے پہلے روز انٹربینک میں ڈالر کی قدر میں 12 پیسے کمی سامنے آئی۔
Interbank closing #ExchangeRate for today https://t.co/Et6MoqtExl#SBPExchangeRate pic.twitter.com/AVbzt946rT
— SBP (@StateBank_Pak) January 8, 2024
اسٹیٹ بینک آف پاکستان کی جانب سے سماجی رابطے کی ویب سائٹ ایکس پر جاری اعداد و شمار کے مطابق انٹربینک میں ڈالر12پیسے سستا ہوکر281روپے28پیسے پربند ہوا جبکہ کاروبار کے آغاز پر انٹر بینک میں ڈالر 30 پیسے سستا ہوکر 281 روپے 10 پیسے پر آگیا تھا۔
اس کے علاوہ اوپن مارکیٹ میں بھی روپے کے مقابلے میں امریکی ڈالر کی قیمت میں30 پیسے کی کمی ریکارڈ کی گئی ہے جس کے بعد ڈالر کی 282روپے کا ہوگیا۔ یاد رہے کہ گزشتہ جمعہ کو ڈالر 181.40 روپے پر بند ہوا تھا۔
