کراچی : انٹر بینک اور اوپن مارکیٹ میں کاروباری ہفتے کے آخری روز پاکستانی روپے کے مقابلے میں امریکی ڈالر کی قیمت میں اضافہ دیکھنے میں آیا۔
انٹر بینک میں کاروبار کے اختتام پر ڈالر کا بھاؤ 286 روپے 81 پیسے ہے، کاروباری ہفتے کے آخری روز ڈالر 1روپے 66 پیسے مہنگا ہوا۔
اسی طرح اوپن مارکیٹ میں ڈالرغیر متوقع طور پرایک روپے پچاس پیسے سستا ہوا جس کے بعد قیمت فروخت 291روپے ہوگئی۔ اوپن مارکیٹ میں رواں ہفتے ڈالر 7 روپے مہنگا ہوا۔
Interbank closing #ExchangeRate for todayhttps://t.co/PMrUjl22FS#SBPExchangeRate pic.twitter.com/Fj8mJS9mH6
— SBP (@StateBank_Pak) July 21, 2023
یاد رہے کہ انٹر بینک میں گزشتہ ایک ہفتے کے دوران امریکی ڈالر مجموعی طور پر 9 روپے 22 پیسے مہنگا ہوا، انٹربینک میں گزشتہ ہفتے ڈالر 277 روپے 59 پیسے پر بند ہوا تھا۔
دوسری جانب آئی ایم ایف کی ایک اور شرط پوری کردی گئی ہے، انٹر بینک اور اوپن مارکیٹ میں ڈالر کی قیمت کا فرق آئی ایم ایف کے مطابق ہوگیا، ڈیلرز کے مطابق انٹربینک مارکیٹ میں صبح سے ہی ڈالر کی قیمت میں کمی کا سلسلہ جاری رہا۔
