امریکی کرنسی کی قیمت میں مسلسل کئی روز تک اضافے کے بعد بالآخر آج ڈالر کو روک لگ گئی انٹربینک اور اوپن مارکیٹ میں ڈالر کی قدر میں کمی ریکارڈ کی گئی ہے۔
تفصیلات کے مطابق ملک بھر میں تیزی سے بڑھنے والی امریکی ڈالر کی قدر کو آخر کار بریک لگ ہی گئی اور روپیہ کو کسی حد تک استحکام ملا۔
اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قدر 1 روپیہ 48 پیسے کم ہوگئی۔
Interbank closing #ExchangeRate for today https://t.co/8rtZjpJBAy#SBPExchangeRate pic.twitter.com/pr9rZimpa0
— SBP (@StateBank_Pak) July 26, 2023
رپورٹ کے مطابق انٹربینک میں کاروبار کے اختتام پرڈالر کا بھاؤ 287 روپے 4 پیسے ہے۔ انٹربینک میں گزشتہ روز ڈالر 288 روپے 52 پیسے پر بند ہوا تھا۔
ایکسچینج کمپنیز ایسوسی ایشن کے مطابق اوپن مارکیٹ میں ڈالر ایک روپیہ 50 پیسے سستا ہوکر 292روپے کا ہے۔
