کراچی : امریکی ڈالر نے آج پھر روپے کو پچھاڑتے ہوئے اپنی برتری برقرار رکھی، ڈالر کی قیمت میں اضافے کا رجحان آج بھی جاری رہا۔
تفصیلات کے مطابق پاکستانی روپے کے مقابلے میں امریکی ڈالر کی قدر میں آج مزید اضافہ سامنے آیا ہے، انٹر بینک میں ڈالر32پیسے مہنگا ہوکر 286.88 روپے پر بند ہوا۔
اسٹیٹ بینک آف پاکستان کے ٹویٹر اکاؤنٹ پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 32پیسے کا اضافہ دیکھا گیا۔
Interbank closing #ExchangeRate for today https://t.co/5U1cMX8Tg5#SBPExchangeRate pic.twitter.com/iyIn41uqNJ
— SBP (@StateBank_Pak) June 7, 2023
اسٹیٹ بینک کے مطابق امریکی ڈالر کے مقابلے میں روپے کی قدر میں 0.11 فیصد کی تنزلی دیکھی گئی، دوسری جانب اوپن مارکیٹ میں ڈالر کا بھاؤ 3 روپے کم ہوا ہے، اوپن مارکیٹ میں ڈالر 300 روپے کا ہوگیا ہے جبکہ گزشتہ روز اوپن مارکیٹ میں ڈالر 5 روپے سستا ہوکر 303 روپے کا ہوگیا تھا۔
