کراچی : پاکستانی روپیہ کے مقابلے میں امریکی ڈالر کی قیمت ایک بات پھر بڑھ گئی، کچھ روز کی مسلسل کمی کے بعد ڈالر نے دوبارہ آنکھیں دکھانا شروع کردیں۔
اسٹیٹ بینک آف پاکستان کے مطابق آج کاروبار کے دوران مجموعی طور پر ڈالر کی قدر میں 32 پیسے اضافہ ہوگیا، انٹر بینک میں ڈالر 279 روپے 12 پیسے پر بند ہوا۔
فاریکس ڈیلرز کا کہنا ہے کہ اوپن مارکیٹ میں ڈالر ایک روپے مہنگا ہوکر281 روپے پر فروخت ہوا، بینکس نے درآمد کنندگان کو ڈالر 279.50 روپے میں فروخت کیا۔
Interbank closing #ExchangeRate for todayhttps://t.co/bEThWJNeZj#SBPExchangeRate pic.twitter.com/knhBFSTxV2
— SBP (@StateBank_Pak) October 23, 2023
کرنسی ڈیلرز کے مطابق کاروباری دن کے آغاز پر انٹربینک میں ڈالر کی قدر میں 25 پیسے کی معمولی کمی ہوئی تھی تاہم بعدازاں ڈالر کی قدر میں کمی کا رجحان برقرار نہ رہ سکا۔
واضح رہے کہ پاکستانی کرنسی کے مقابلے میں ڈالر کی قیمت مسلسل 5 ہفتوں کی کمی کے بعد گزشتہ ہفتے ملا جلا رجحان رہا۔
اسٹیٹ بینک آف پاکستان کے مطابق انٹر بینک میں ڈالر کی قیمت جمعے کے روز 278.80 روپے کی سطح پر بند ہوئی تھی جو پیر کو 276.83 روپے تھی۔ ڈالر کی قیمت میں رواں ہفتے کے دوران مجموعی طور پر ایک روپے 19 پیسے کا اضافہ ریکارڈ کیا گیا۔