کراچی : امریکی کرنسی کی قدر میں کمی کا سلسلہ جاری ہے جس کے سبب پاکستانی روپیہ استحکام کی جانب رواں دواں ہے۔
تفصیلات کے مطابق آج بھی انٹر بینک میں امریکی ڈالر کی قیمت میں کمی ریکارڈ کی گئی ہے، کاروباری روز کے آغاز سے ہی امریکی ڈالر کی قدر میں گراوٹ دیکھی گئی۔
اسٹیٹ بینک کی جانب سے سماجی رابطے کی ویب سائٹ ایکس پر جاری اعداد و شمار کے مطابق انٹربینک میں ڈالر 1.05 روپے سستا ہوکر 288.75 روپے پر بند ہوا جو گزشتہ روز 289 روپے 80پیسے پر بند ہوا تھا۔
اس حوالے سے فاریکس ڈیلرز کا کہنا ہے کہ بینکوں نے درآمد کنندگان کو ڈالر 289.15 روپے میں فروخت کیا، اوپن مارکیٹ میں ڈالرایک روپے سستا ہوکر 290 روپے میں فروخت ہوا۔
Interbank closing #ExchangeRate for today https://t.co/ZJOHjg3JSF#SBPExchangeRate pic.twitter.com/S1b8uqlyS5
— SBP (@StateBank_Pak) September 27, 2023
اوپن مارکیٹ میں بھی ڈالر کی قیمت میں دو روپے کی کمی واقع ہوئی جس کے بعد ایک ڈالر 292 روپے کا ہوگیا۔ اوپن مارکیٹ میں ڈالر بلند ترین سطح سے 43 روپے سستا ہو چکا ہے۔
خیال رہے کہ حکومت کی جانب سے ڈالر کی اسمگلنگ اور حوالہ ہنڈی کی روک تھام کے لیے اٹھائے گئے سخت اقدامات کے بعد سے اب تک ڈالرکی انٹربینک قیمت بلند ترین سطح سے 18 روپے 30 پیسے کم ہو چکی ہے۔