کراچی : ڈالر کی قدر میں گزشتہ کاروباری ہفتے سے جاری مسلسل اضافے کے بعد کمی سامنے آئی ہے۔
اس حوالے سے ذرائع کا کہنا ہے کہ انٹر بینک میں ڈالر کی قدر میں نئے کاروباری ہفتے کے پہلے روز کمی ریکارڈ کی گئی ہے۔
اسٹیٹ بینک آف پاکستان کی جانب سے جاری کردہ اعداد و شمار کے مطابق انٹر بینک میں ڈالر کی قدر میں 43 پیسے کی کمی ہوئی
ہے۔
Interbank closing #ExchangeRate for todayhttps://t.co/gdADzgeA0K pic.twitter.com/6BnvqJSFqz
— SBP (@StateBank_Pak) October 24, 2022
فاریکس ڈیلرز کے مطابق انٹر بینک میں ڈالر 220.84 سے کم ہو کر 220.41 روپے پر بند ہوا ہے۔
دوسری جانب پاکستان اسٹاک مارکیٹ میں مثبت رجحان رہا۔ پاکستان اسٹاک ایکسچینج میں 100 انڈیکس 133 پوائنٹس اضافے سے 42347پر بند ہوا۔
حصص بازار میں آج 22 کروڑ 67 لاکھ شیئرز کے سودے ہوئے اور شیئرز بازار کے کاروبار کی مالیت 6 ارب روپے سے زائد رہی۔ مارکیٹ کیپٹلائزیشن دس ارب روپے بڑھ کر 6849 ارب روپے ہے۔
