The news is by your side.

ڈالر کی قدر میں اضافہ، سونے کی قیمت میں کمی

کراچی : ملک میں ڈالر کی قیمت میں مسلسل اضافے کا سلسلہ جاری ہے جبکہ سونے کی فی تولہ قیمت میں کمی سامنے آئی ہے۔

تفصیلات کے مطابق پاکستان میں سونے کی فی تولہ قیمت میں آج 400 روپے کمی ہوئی ہے، کاروباری ہفتے کے آخری روز 10 گرام قیمت میں بالترتیب 400 روپے اور 342روپے کمی ہوئی ہے۔

صرافہ ایسوسی ایشن کے مطابق 400 روپے کمی کے بعد ملک میں ایک تولہ سونا ایک لاکھ 58 ہزار روپے جبکہ 10 گرام سونے کا بھاؤ 342 روپے کمی سے ایک لاکھ 35 ہزار 460 روپے ہوگئی۔

دوسری جانب صرافہ مارکیٹوں میں چاندی کی فی تولہ اور دس گرام قیمت بالترتیب 1690 روپے اور 1448 روپے پر مستحکم رہی۔ عالمی بازار میں سونے کا بھاؤ پانچ ڈالر کم ہوکر 1761 ڈالر فی اونس ہے۔

دوسری جانب ڈالر کی قیمت میں مسلسل اضافے کا سلسلہ تاحال جاری ہے۔ انٹر بینک میں ڈالر کی قیمت میں کاروباری ہفتے کے پانچویں روز بھی اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 50 پیسے کا اضافہ ہوا ہے۔ اس کے علاوہ فاریکس ڈیلرز کے مطابق انٹربینک میں ڈالر 222.67 سے بڑھ کر 223.17 روپے پر بند ہوا ہے۔

Comments

یہ بھی پڑھیں