ایل پی جی کا گھریلو سلنڈر مزید مہنگا، نوٹیفکیشن جاری

اسلام آباد: آئل اینڈ گیس ریگولیٹری اتھارٹی (اوگرا) نے مئی کے مہینے کے لیے ایل پی جی کی قیمت میں اضافہ کر دیا ہے۔

تفصیلات کے مطابق اوگرانے ایل پی جی کی قیمت  4 روپے 89 پیسے فی کلو مہنگی کردی جس کے بعد ایل پی جی کی نئی قیمت 233 روپے 88 پیسے فی کلومقرر کی گئی ہے۔

اوگرا نےقیمتوں میں اضافےکا نوٹیفکیشن جاری کردیا، اضافہ فوری طور  پر نافذالعمل ہوگا۔

نوٹیفکیشن کے مطابق ایل پی جی کا گھریلو سلنڈر 57 روپے 70 پیسے مہنگا کیا گیا ہے،11.8کلو کے ایل پی جی سلنڈر کی نئی قیمت 2ہزار 759 روپے89 پیسے مقررکی گئی ہے۔

Comments