کراچی: کمسن گھریلو ملازم پر بہیمانہ تشدد، مالک گرفتار -
The news is by your side.

Advertisement

کراچی: کمسن گھریلو ملازم پر بہیمانہ تشدد، مالک گرفتار

کراچی: راولپنڈی میں سیشن جج کے گھر تشدد کا نشانہ بننے والی کسمن ملازمہ طیبہ کے بعد ملازم پر تشدد کا ایک اور واقعہ سامنے آگیا۔ کراچی میں کمسن گھریلو ملازم پر بہیمانہ تشدد، پولیس نے مالک کو گرفتار کر کے مقدمہ درج کر لیا۔

صوبہ سندھ کے دارالحکومت کراچی کے علاقے درخشاں میں کسمن ملازم کو زخمی حالت میں بازیاب کرلیا گیا۔ بچے پر تشدد کرنے والے مالک کو گرفتار کرلیا گیا۔

متاثرہ بچے علی اصغر کا کہنا ہے کہ مالکن اسے روز تشدد کا نشانہ بناتی تھی۔ چند روز قبل اسے چھری کھینچ کر ماری جس کی ضرب ہاتھ پر لگی جبکہ برش مارنے سے اس کا سر پھٹ گیا۔

مزید پڑھیں: دو کمسن ملازماؤں پر بہیمانہ تشدد

ایم ایل او جناح اسپتال ڈاکٹر کلیم کے مطابق بچے کے جسم پر زخموں کے نشانات موجود ہیں جو ایک ہفتہ پرانے ہیں۔

پولیس کے مطابق مالک رضوان شیخ کے خلاف مقدمہ درج کرلیا ہے۔ تفتیش کے لیے مالک کی اہلیہ کو بھی حراست میں لیا جا سکتا ہے۔

Comments

comments

یہ بھی پڑھیں