واشنگٹن : امریکی صدر ڈونلڈ ٹرمپ نے کہا ہے کہ جیتنا آسان ہے لیکن ہارنا کبھی آسان نہیں ہوتا، الیکشن چوری نہیں کرنے دیں گے، اپنی کامیابی کا اعلان آج کروں گا۔
سماجی رابطے کی ویب سائٹ ٹوئٹر پر اپنے پیغام میں امریکی صدر کا کہنا ہے کہ بڑی کامیابی کا اعلان آج کروں گا، ہماری کامیابی یقینی ہے لیکن الیکشن کو چوری کرنے کی کوشش کی جا رہی ہے۔
I will be making a statement tonight. A big WIN!
— Donald J. Trump (@realDonaldTrump) November 4, 2020
ان کا کہنا ہے کہ ہم انہیں الیکشن چوری نہیں کرنے دیں گے، پولنگ کا عمل بند ہونے کے بعد ووٹ کاسٹ نہیں کیا جاسکتا۔
اس سے قبل آرلنگٹن میں ریپبلکن انتخابی مہم کے مرکزی دفتر کے دورے کے موقع پر گفتگو کرتے ہوئے ٹرمپ نے کہا کہ جیتنا آسان ہے لیکن ہارنا کبھی آسان نہیں ہوتا۔
We are up BIG, but they are trying to STEAL the Election. We will never let them do it. Votes cannot be cast after the Polls are closed!
— Donald J. Trump (@realDonaldTrump) November 4, 2020
اپنے حامیوں سے گفتگو میں انہوں نے دعویٰ کیا کہ مختلف ریاستوں میں ہماری پوزیشن مستحکم ہے، آج ایک بہترین رات ہوگی لیکن سیاست میں یقین سے کچھ نہیں کہاجاسکتا۔
