امریکی صدر ڈونلڈ ٹرمپ کا کہنا ہے کہ ایران کے ساتھ آئندہ ہفتے معاہدے پر دستخط ہوسکتے ہیں۔
دی ہیگ میں نیٹو سربراہان کے اجلاس سے خطاب کرتے ہوئے ڈونلڈ ٹرمپ نے کہا کہ ایران کے ساتھ آئندہ ہفتے سے بات چیت شروع ہوگی معاہدے پر بھی دستخط ہوسکتے ہیں۔
انہوں نے کہا کہ معاہدے کی پرواہ نہیں اور نہ ضروری ہے اہم یہ ہے کہ جنگ ختم ہوگئی، معاہدہ ہو نہ ہو اہم بات یہ ہے کہ ایران کی جوہری طاقت ختم ہوگئی۔
امریکی صدر نے کہا کہ میرا خیال ہے کہ ایران اسرائیل اب جنگ نہیں لڑیں گے کیونکہ دونوں تھک چکے تھے، ایران نے شاید جنگ بندی کی خلاف ورزی نہیں کی، اسرائیل نے حملہ کرنے کے لیے 52 طیارے اڑائے جن کو ہم نے واپس بھجوایا۔
ڈونلڈ ٹرمپ نے کہا کہ میرے خیال میں جنگ اس وقت ختم ہوگئی تھی جب ہم نے حملہ کیا تھا۔
انہوں نے کہا کہ ہم نے کارروائی کرکے اہداف حاصل کیے لیکن فیک نیوز جعلی خبریں چلا رہا ہے، ہمارے پائلٹس کی تعریف ہونی چاہیے لیکن فیک نیوز غلط باتیں کررہا ہے۔
امریکی صدر نے کہا کہ روس اس لیے جنگ ختم نہیں کررہا کیونکہ یہ مشکل ہے، میرے پیوٹن کے ساتھ اور زیلنکسی کے ساتھ بھی مسائل ہیں، میرے کوشش ہے زندگی میں امن کے معاہدے کروں۔
