نیویارک : کیا آپ جانتے ہیں امریکہ کے نئے منتخب صدر ڈونلڈ ٹرمپ کون ہیں؟
نئے امریکی صدر ڈونلڈ ٹرمپ چودہ جون انیس سوچھیالیس میں نیویارک کے علاقے کوئنز لینڈ میں پیدا ہوئے، تیرہ سال کے ہوئے تو ٹرمپ کے تند و تیز تیور دیکھ کر انکے والد نے انہیں ملٹری اکیڈمی میں بھیج دیا۔
گریجویشن کے بعد رئیل اسٹیٹ کے آبائی کاروبار میں شامل ہوئے اور کئی بلند و بالا عمارتیں کھڑی کیں اور دیکھتے ہی دیکھتے شہرت ک بلندیوں پر پہنچ گئے۔
ٹرمپ آرگنائزیشن کے صدر ڈونلڈ ٹرمپ تین ارب ستر کروڑ ڈالر کے اثاثوں کے ساتھ دنیا بھر میں آفس ٹاور، ہوٹل، کیسینوز، گالف کورسز اور مشہور تنصیبات کے مالک ہیں۔
دو ہزار چار میں دی اپریٹس کے نام سے رئیلیٹی ٹی وی شو کا آغاز کیا، جس نے انکی شہرت میں مزید اضافہ کیا۔
ڈونلڈ ٹرمپ کاروبار میں کامیاب مگر ازدواجی زندگی میں دو بار ناکام ہوئے ڈونلڈ ٹرمپ نے ایوانا سے پہلی شادی کی ، جس سے ڈونلڈ ٹرمپ کے تین بچے ایوانکا، ڈونلڈ جونیئر اور ایرک ہے لیکن ڈونلڈ اور ایوانا کے درمیان علیحدگی کے بعد طلاق ہوگئی ۔
سن 1993 میں ڈونلڈ ٹرمپ نے اپنی نئی محبت مارلا میپلس سے شادی کی تاہم یہ تعلق محض 4 سال پر مبنی رہا۔ ڈونلڈ اور مارلا کی پہلی اور واحد بیٹی ٹفنی آریانہ ہے۔
ڈونلڈ ٹرمپ نے 2005ء میں ایک بار پھر سلوویکین ماڈل میلانیا سے شادی کی ، جن سے ایک بیٹا بیرن ہے۔
ڈھیروں کامیابیاں سمیٹنے کے بعد دوہزار بارہ میں ٹرمپ نے صدارتی دوڑ میں شامل ہونے کی خواہش ظاہر کی اور دو ہزار سولہ میں امریکی صدارتی امیدوار بنے اور جیت حاصل کی۔
مزید پڑھیں : ڈونلڈ ٹرمپ امریکہ کے نئے صدر منتخب ہوگئے
