نومنتخب امریکی صدر ڈونلڈ ٹرمپ نے یوکرین کی جانب سے روس پر امریکی میزائل حملوں کی شدید مذمت کرتے ہوئے اسے پاگل پن قرار دیدیا۔
غیر ملکی میڈیا رپورٹ کے مطابق جو بائیڈن انتظامیہ نے یوکرین کو امریکی میزائل استعمال کرنے کی اجازت دی تھی جس پر نومنتخب امریکی صدر ڈونلڈ ٹرمپ نے اپنے سخت ردعمل کا اظہار کیا۔
ڈونلڈ ٹرمپ کا کہنا تھا کہ یوکرین امریکی میزائل استعمال کر رہا ہے جس پر تشویش ہے، یوکرین سے متعلق امریکی پالیسی کو تبدیل کریں گے ہم یوکرین روس جنگ کو بڑھا رہے ہیں اور صورتحال مزید خراب کر رہے ہیں۔
ڈونلڈ ٹرمپ کے بیان پر ترجمان روسی ایوان صدر کا کہنا ہے کہ روس ڈونلد ٹرمپ کے یوکرینی حملوں کی مذمت کا خیر مقدم کرتا ہے، ڈونلڈ ٹرمپ کی یوکرین پر تنقید روسی موقف کی تائید ہے۔
دوسری جانب ڈونلد ٹرمپ نے ڈے لائٹ سیونگ کے خاتمے پر زور دیتے ہوئے کہا کہ ڈے لائٹ سیونگ تمام امریکیوں کے لیے ناگوار اور مہنگا پروجیکٹ ہے، میں اپنے جماعت کے ساتھ مل کر دے لائٹ ٹائم کے خاتمے کی کوشش کروں گا۔
