site
stats
عالمی خبریں

ڈونلڈ ٹرمپ کا’ون چائنا‘پالیسی پراتفاق

واشنگٹن : امریکی صدر ڈونلڈ ٹرمپ نے اپنے چینی ہم منصب شی جن پنگ سے بات چیت کے دوران ’ون چائنا‘ پالیسی کا احترام کرنے پر اتفاق کیا ہے۔

تفصیلات کےمطابق وائٹ ہاؤس سے جاری ہونے والے بیان کے مطابق دونوں رہنماؤں نےجمعرات کی شب ایک طویل فون کال کے دوران مختلف توجہ طلب مسائل پر تبادلہ خیال کیا۔

امریکی صدر ڈونلڈ ٹرمپ کے دفتر سے جاری بیان میں دونوں رہنماؤں کے درمیان بات چیت کوخوشگوار بتایاگیاہے،جبکہ دونوں رہنماؤں نے ایک دوسرے کو اپنے ملک کےدورے کی دعوت دی ہے۔

ون چائنا پالیسی کا مطلب امریکہ کی جانب سے سفارتی سطح پر یہ بات تسلیم کرنا ہے کہ صرف ایک ہی چینی حکومت وجود رکھتی ہے۔

یاد رہےکہ اس سے قبل امریکی صدرٹرمپ نے چینی صدر سے براہ راست رابطہ کرنے کی اپنی پہلی کوشش کے تحت ان کے نام ایک خط لکھا تھا۔

مزید پڑھیں: امریکہ کواپنی’ون چائنا‘پالیسی پرنظرِثانی کرناچاہیے،ٹرمپ

واضح رہےکہ گزشتہ سال دسمبر کے مہینے میں ٹرمپ نے تائیوان کے صدر سے بات چیت کی تھی جس سے ایسا لگا تھا کہ شاید ٹرمپ ون چائنہ پالیسی میں تبدیلی کا ارادہ رکھتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top