تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

محبت اور اتحاد کا پیغام دینے آیا ہوں، ڈونلڈٹرمپ

واشنگٹن : امریکی صدر ڈونلڈ ٹرمپ نے کہا کہ محبت اور اتحاد کا پیغام دینے آیا ہوں، دنیا بھر سے اسلامی شدت پسندی کو ختم کرینگے، امریکہ ہر قسم کی برائی اور نفرت کی مذمت کرتا ہے، امریکہ کو ایک بار پھر عظیم ترملک بنائیں گے۔

ڈونلڈ ٹرمپ نے صدر بننے کے بعد کانگریس سے پہلے خطاب میں کہا کہ یہاں محبت اور اتحاد کا پیغام دینے آیا ہوں، ہم اپنی سرحدوں کو مضبوط بنانے پر توجہ دے رہے ہیں، امریکہ ہرقسم کی برائی اور نفرت کی مذمت کرتا ہے، امریکہ میں روزگار کے مواقع پیدا کیے جائیں گے، ملک کے دفاع کو مضبوط بنانے کے لیے فوج کو وسائل دیں گے، امریکا کو محفوظ بنائیں گے، شدت پسندوں کی آماج گاہ نہیں بننے دیں گے۔

ڈونلڈ ٹرمپ نے نیٹوکی حمایت کرتے ہوئے کہا کہ نیٹو کو مالیاتی ذمےداریاں نبھانی ہوں گی۔

trump-post-2

امریکی صدر کا کہنا تھا کہ امریکہ کو ایک بار پھر عظیم ترملک بنائیں گے، امریکی شہریوں کی حفاظت ہماری ذمے داری ہے، امریکہ کو اسلامی شدت پسندی سے محفوظ رکھنے کیلئے اقدامات کررہے ہیں، امریکی مفادات کا تحفظ اولین ترجیح ہے، میرا کام دنیا کی نمائندگی کرنا نہیں،  کمپنیوں کو امریکا میں کاروبار جاری رکھنےکیلیے مراعات دیں گے۔،

ڈونلڈ ٹرمپ نے جرائم پیشہ کے خلاف سخت کارروائی کا حکم دیتے ہوئے کہا کہ داعش کے خاتمے کے لیے اتحادیوں سے مل کر کام کریں گے، اُنھوں نے پینٹاگان کو ہدایت کی کہ وہ ’داعش‘ کو شکست دینے کے لیے حکمت عملی مرتب کرے، اس دہشت گرد تنظیم نے مسلمانوں اور مسیحی مردوں، خواتین اور بچوں کو قتل کیا۔

trump-post-3

امریکہ کے صدر نے اپنے اس خطاب میں ایک مرتبہ پھر میکسیکو سے اپنی سرحد پر دیوار بنانے کے عزم کو دہرایا اور کہا کہ جلد ہی جنوبی سرحد پر دیوار کی تعمیر شروع کردیں گے، سرحدوں کو محفوظ بنانے پر توجہ دے رہے ہیں، ایرانی ایٹمی پروگرام کی مذمت کرتے ہیں۔


مزید پڑھیں  : سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ


انکا مزید کہنا تھا کہ امریکا میں خستہ ہال انفراسٹرکچر کو پھر سے کھڑا کیا جائیگا، نئی شاہرائیں اور پل تعمیر کیے جائیں گے، امیگریشن قوانین کے نفاذ سے اربوں ڈالرز کی بچت ہوگی، ان سے بے روزگاری کے خاتمے میں مدد ملے گی اور ملک ہر کسی کے لیے محفوظ ہوگا، کینیڈا اور آسٹریلیا کی طرح قابلیت کی بنیاد پر امیگریشن سسٹم بنائیں گے۔

Comments

- Advertisement -