سابق امریکی صدر ڈونلڈ ٹرمپ کی انتخابی مہم مشکل میں پڑ گئی، سول فراڈ کیس میں کروڑوں ڈالر جرمانے کی سزا سنادی گئی۔
رپورٹ کے مطابق سابق صدر ٹرمپ کو فراڈ کیس میں ساڑھے 35 کروڑ ڈالر جرمانہ ادا کرنے کا حکم جاری کیا گیا، ٹرمپ پر اپنی کمپنیوں کے ذریعے کاروبار کرنے پر بھی 3 سال کی پابندی عائد کردی گئی۔
نیویارک کی عدالت نے فراڈ کیس میں ٹرمپ کے 2 بیٹوں پر بھی جرمانے عائد کیے ہیں، ٹرمپ کے وکلا نے فراڈ کیس میں جرمانے کیخلاف اپیلیٹ کورٹ میں جانیکا فیصلہ کیا۔
سابق امریکی صدر ڈونلڈ ٹرمپ نے ویڈیو بیان میں عدالتی فیصلے کو بائیڈن انتظامیہ کی انتقامی کارروائی قرار دیا ہے۔
واضح رہے کہ سابق امریکی صدر ڈونلڈ ٹرمپ پر فحش اداکارہ کو رقم دینے کے کیس میں مقدمہ 25 مارچ سے شروع ہوگا۔ ڈونلڈ ٹرمپ کرمنل کیس کا سامنا کرنے والے پہلے سابق امریکی صدر ہوں گے۔
گزشتہ روز نیویارک کے ایک جج کی جانب سے 25 مارچ کو مقدمے کی سماعت کی تاریخ مقرر کرتے ہوئے مقدمے کو خارج کرنے کی سابق امریکی صدر کی درخواست مسترد کردی گئی۔
ٹرمپ کی صدارتی الیکشن تک عدالتی ٹرائل روکنے کی آخری کوشش
سال 2016 کے صدارتی انتخابات سے قبل ڈونلڈ ٹرمپ پر اداکارہ کو مبینہ طور پر تعلق چھپانے کے لئے رقم ادا کرنے کے مقدمے میں فرد جرم عائد کی گئی تھی۔
