ری پبلکن امیدوار اور سابق امریکی صدر ڈونلڈ ٹرمپ نے کہا ہے کہ وقت آگیا ہے کہ اسرائیل اور لبنان کے تنازع کو ختم کیا جائے۔
بین الاقوامی خبر رساں ادارے کی رپورٹ کے مطابق سابق امریکی صدر ڈونلڈ ٹرمپ کا کہنا تھا کہ مشرق وسطیٰ اور امریکا میں ایسے لوگ ہیں جو اپنا کام نہیں کررہے۔
سابق امریکی صدر کا بیان ایسے وقت میں سامنے آیا ہے جب امریکی صدارتی الیکشن میں 3 روز باقی رہ گئے ہیں۔
انہوں نے کہا کہ امریکی جانتے ہیں کہ ڈیموکریٹس کیا کررہے ہیں، وہ صرف جعلی خبریں پھیلا رہے ہیں، ٹرمپ نے اپنے خطاب میں بائیڈن انتظامیہ کے معاشی ریکارڈ کو بھی نشانہ بنایا۔
دوسری جانب گزشتہ روز انتخابی مہم کے دوران سابق صدر ٹرمپ کا خواتین سے متعلق متنازع بھی سامنے آیا۔
ٹرمپ نے خود کو خواتین کا محافظ قرار دیتے ہوئے کہا کہ وہ خواتین کی حفاظت یقینی بنائیں گے، چاہے خواتین ان سے متفق ہوں یا نہ ہوں۔
اسرائیل جنگ بندی کی کوششوں کو مسترد کررہا ہے، لبنانی وزیراعظم
ٹرمپ کے بیان کو مخالف امیدوار کملا ہیرس نے انتہائی جارحانہ قرار دیا اور کہا کہ وہ خواتین کی آزادی اور ذہانت کو ترجیح نہیں دیتے۔
