کراچی : ڈاکٹرعشرت العباد چلے گئے مگر سب ان کی صلاحتیوں کے معترف ہیں، وفاقی وزیر پیٹرولیم بھی عشرت العباد کی کارکردگی سے خوش ہیں، انکا کہنا ہے کہ عشرت العباد کو شاید امریکی صدر ٹرمپ نے ہٹایا ہے۔
تفصیلات کے گورنر سندھ عشرت العباد چلے گئے مگر سب کے لبوں پر اب بھی عشرت العباد ہی کا نام ہے، پیپلز پارٹی چودہ برس گورنر ہاؤس کے مکین رہنےوالے سابق گورنر کی گرویدہ نکلی۔
وفاقی وزیر پیٹرولیم شاہد خاقان بھی عشرت العباد کی کارکردگی سے خوش ہیں، میڈیا سے گفتگو میں شاہد خاقان عباسی کا عشرت العباد کو ہٹائےجانے کے حوالے سے کہنا تھا کہ میں تیل اور گیس کے معاملات دیکھتا ہوں ،عشرت العباد کو شاید نئی امریکی صدر ٹرمپ نے ہٹایا ہے، مجھے علم نہیں۔
انھوں نے کہا کہ ٹرمپ کرسی پر بیٹھے نہیں کہ گورنر تبدیل ہوگیا، میں ان معاملات میں پڑتا نہیں لیکن فیصلہ ہوگیا ہے ،
اسپیکرسندھ اسمبلی سراج الحق نے ڈاکٹرعشرت العباد کی صلاحیتوں کی تعریف کرتے ہوئے کہا کہ ڈاکٹر عشرت العباد اس قابل ہے کہ انکو نیا اسائمنٹ ملنا چاہیئے، انھوں نے سیاسی سمجھ بوجھ سے کئی معاملات میں اہم کردار ادا کئے۔
اسمبلی کے نئے نویلے رکن امتیاز شیخ بھی سابق گورنر کے دلدادہ ہیں۔
مزید پڑھیں : جسٹس(ر) سعید الزماں صدیقی گورنر سندھ تعینات
یاد رہے کہ گزشتہ روز گورنرسندھ ڈاکٹر عشرت العباد کو چودہ سال بعد عہدے سے ہٹادیا گیا اور سابق چیف جسٹس آف پاکستان سعیدالزماں صدیقی کو گورنر سندھ بنا دیا گیا تھا۔
