واشنگٹن: امریکی صدر ڈونلڈ ٹرمپ نے کہا ہے کہ پاکستان ان ممالک کی طرح ہے جو امریکا سے امداد لیتے ہیں مگر کرتے کچھ نہیں، کچھ نہ کرنے پر پاکستان کے اربوں ڈالر بند کردئیے۔
امریکی صدر ڈونلڈ ٹرمپ سماجی رابطے کی ویب سائٹ ٹویٹر پر پاکستان کے خلاف پھر ہرزہ سرائی کرتے ہوئے کہا کہ پاکستان کے کچھ نہ کرنے کی بڑی مثال اسامہ بن لادن ہے، پاکستان کے خلاف دوسری مثال افغانستان ہے۔
امریکی صدر نے کہا کہ ہمیں اسامہ بن لادن تک بہت پہلے پہنچ جانا چاہئے تھا، نائن الیون حملوں سے پہلے اپنی کتاب میں اسامہ کا ذکر کیا تھا، سب جانتے ہیں بل کلنٹن نے موقع گنوا دیا تھا۔
ڈونلڈ ٹرمپ نے کہا کہ ہم نے اربوں ڈالر دئیے مگر پاکستان نے نہیں بتایا کہ اسامہ بن لادن وہیں رہتا تھا۔
….We no longer pay Pakistan the $Billions because they would take our money and do nothing for us, Bin Laden being a prime example, Afghanistan being another. They were just one of many countries that take from the United States without giving anything in return. That’s ENDING!
— Donald J. Trump (@realDonaldTrump) November 19, 2018
مزید پڑھیں: پاکستان نے امریکا کے لیے کچھ نہیں کیا، امریکی صدر ٹرمپ کا الزام
واضح رہے کہ گزشتہ روز بھی امریکی صدر کا کہنا تھا کہ ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔
ان کا کہنا تھا کہ پاکستان کو افغانستان میں دہشت گردی روکنے کے لیے کہا گیا لیکن اس میں بھی کوئی پیش رفت نہ ہوسکی۔
دوسری جانب ٹرمپ کے ٹویٹ پر وزیراعظم عمران خان نے ردعمل دیتے ہوئے کہا کہ ٹرمپ کے غلط بیانات زخموں پر نمک چھڑکنے کے مترادف ہیں، امریکی جنگ کا خمیازہ مالی و معاشی عدم استحکام کی شکل میں بھگتا ہے۔
Record needs to be put straight on Mr Trump’s tirade against Pakistan: 1. No Pakistani was involved in 9/11 but Pak decided to participate in US War on Terror. 2. Pakistan suffered 75,000 casualties in this war & over $123 bn was lost to economy. US "aid” was a miniscule $20 bn.
— Imran Khan (@ImranKhanPTI) November 19, 2018
وزیراعظم عمران خان نے کہا کہ ٹرمپ کو تاریخی حقائق سے آگاہی درکار ہے، امریکی جنگ میں پہلے ہی کافی نقصان اُٹھا چکے ہیں، اب ہم وہی کریں گے جو ہمارے مفاد میں ہوگا۔