site
stats
اہم ترین

بلا تفریق رنگ و نسل‘مذ ہب تمام امریکیوں کی خدمت کروں گا: نومنتخب صدر ٹرمپ

نیویارک: نو منتخب امریکی صدر ڈونلڈ ٹرمپ نے فاتحانہ تقریب سے خطاب کرتے ہوئے کہا ہے کہ تما م امریکیوں کا صدر ہوں‘ دنیا کو بتا دینا چاہتا ہوں کہ امریکہ کا مفاد میرے لیے سب سے پہلی ترجیح ہوگی۔

نیویار ک میں ریپبلکن جماعت کے الیکشن ہیڈ کوارٹر میں اپنے حامیوں سے خطاب کرتے ہوئے ان کا کہنا تھا کہ ہمارے ملک کے عوام باصلاحیت ہیں‘ سب کے ساتھ مل کر کام کریں گے۔

مکمل تقریر دیکھنے کے لیے نیچے اسکرول کیجئے

ان کا کہنا تھا کہ میں تمام امریکیوں کا صد رہوں لہذا بلاتفریق رنگ ونسل اور مذہب سب کی خد مت کروں گا اور ہم مل کر ملک کی ترقی کے لیے کام کریں گے۔ ٹرمپ نے عوام سے وعدہ کیا کہ وہ انہیں مایوس نہیں کریں گے۔


ڈونلڈ ٹرمپ امریکہ کے نئے صدر منتخب ہوگئے


 انہوں نے ڈیموکریٹس پارٹی کی صدارتی امیدوار ہلیری کلنٹن کی خدمات کو خراجِ تحسین پیش کرتے ہوئے کہا ان کی شاندار خدمات ہیں‘ انہوں نے بہت بہترین الیکشن کمپئین چلائی ۔ انہوں نے یہ بھی بتایا کہ ہلیری کلنٹن نے فون کرکے ان سب کی فتح کی مبارک باد دی ہے۔

ڈونلڈ ٹرمپ نے خارجہ پالیسی کے حوالے سے کہا کہ تمام ممالک سے بہتر تعلقات رکھنا چاہتا ہوں‘ دنیا کو بتادوں کہ امریکہ کا مفاد میرے لیے سب سے پہلی ترجیح ہوگی۔


ٹرمپ کوبرتری‘ امریکی شہریوں کا کینیڈا منتقل ہونے پرغور


ان کا یہ بھی کہنا تھا کہ نیویارک کی تعمیر و ترقی کے لیے اقدامات اٹھائے جائیں گے اور ریٹائرڈ فوجیوں کا خاص خیال رکھا جائے گا۔

انہوں نے تقریب کے اختتام پر اپنے والدین‘ بہن بھائیوں ‘ اہلیہ اور بچوں کا شکریہ ادا کیا جن کی بھرپور حمایت انہیں حاصل رہی ‘ ساتھ ہی انہوں نے اپنے حامیوں سے کہا کہ وہ ان سب سے بہت پیار کرتے ہیں۔

trump

ڈونلڈ ٹرمپ امریکہ کی تاریخ کے 45ویں منتخب صدر ہیں اور وہ ڈیموکریٹس کے صدر باراک حسین اوبامہ کی جگہ امریکہ کی صدارت سنبھالیں گے جو کہ 2008 اور 2012 میں لگاتار دو بار امریکی صدر منتخب ہوچکے ہیں۔

امریکا میں صدارتی انتخابات میں ڈونلڈ ٹرمپ اور ہیلری کلنٹن کے درمیان کانٹے کا مقابلہ ہوا جس کے بعد ڈونلڈ ٹرمپ 276 الیکٹورل ووٹ  حاصل کرکے امریکہ 45 ویں صدر منتخب ہوگئے، صدر بننے کے لیے270 الیکٹورل ووٹ درکار ہوتے ہیں۔

غیرملکی خبر رساں ادارے کے مطابق ڈونلڈ ٹرمپ  نے 276 الیکٹورل ووٹ جبکہ ہیلری کلنٹن نے 218 الیکٹورل ووٹ حاصل کئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top