The news is by your side.

Advertisement

کم جونگ ان سے ملاقات ایک بڑی کامیابی ہوگی‘ ڈونلڈ ٹرمپ

فلوریڈا : امریکی صدر ڈونلڈ ٹرمپ کا کہنا ہے کہ کم جونگ ان سے ملاقات کامیاب ثابت ہوگی لیکن اگرایسا نہیں ہوا تو وہ بات چیت ادھوری چھوڑ کرچلیں جائیں گے۔

تفصیلات کے مطابق فلوریڈا میں امریکی صدر ڈونلڈ ٹرمپ اور جاپان کے وزیراعظم شنزوآبے کی مشترکہ نیوز کانفرنس کے دوران کہا کہ جوہری پروگرام کے خاتمے کے حوالے سے زیادہ سے زیادہ دباؤ کو قائم رکھا جائے گا۔

ڈونلڈ ٹرمپ کا کہنا تھا کہ کم جونگ ان سے ملاقات کامیاب ثابت ہوگی لیکن اگر ایسا نہیں ہوا تو وہ ملاقات سے اٹھ کرچلے جائیں گے۔

امریکی صدر کا کہنا تھا کہ شمالی کوریا پراس وقت تک زیادہ سے زیادہ دباؤ کی مہم جاری ہے گی جب تک وہ جوہری تخفیف نہیں کرتا۔

ڈونلڈ ٹرمپ کا کہنا تھا کہ شمالی کوریا میں قید تین امریکی شہریوں کو رہائی کے لیے بات چیت جاری ہے۔

امریکی صدر کا کہنا تھا کہ شمالی کویا کے لیڈر کم جونگ جوہری ہتھیارتلف کرتے ہیں تو وہ ان کے لیے اور دنیا کے لیے بہت بڑا دن ہوگا۔

دوسری جانب جاپانی وزیراعظم شنزوآبے نے کہا کہ جاپان اور امریکہ تجارتی معاہدے پربات چیت شروع کررہے ہیں۔

ٹرمپ کی ڈائریکٹر سی آئی اے اور کم جونگ ان کی ملاقات کی تصدیق

خیال رہے کہ اس سے پہلےامریکی صدر ڈونلڈ ٹرمپ نے شمالی کوریا کے لیڈر سی آئی اے کے ڈائریکٹر مائیک پومپیوکی ملاقات کی تصدیق کی تھی

ڈونلڈ ٹرمپ نے کم جونگ ان سےملاقات پر رضامندی ظاہرکردی

یاد رہے کہ گزشتہ ماہ 9 مارچ کو وائٹ ہاؤس کا کہنا تھا کہ شمالی کوریا کے سربراہ کم جونگ ان نے ڈونلڈ ٹرمپ کو ملاقات کا دعوت نامہ بھیجا تھا جسے امریکی صدر نے قبول کیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں