واشنگٹن: سبکدوش امریکی صدر ڈونلڈ ٹرمپ کی بیٹی ٹفنی ٹرمپ نے والد کی مدت صدارت کے آخری روز اپنی منگنی کا باضابطہ اعلان کردیا۔
غیرملکی خبررساں ادارے کی رپورٹ کے مطابق سبکدوش امریکی صدرکی بیٹی ٹفنی نے سوشل میڈیا پوسٹ پر اپنے منگیتر مائیکل بلوس کے ہمراہ تصویر شیئر کرتے ہوئے اپنی منگنی کا اعلان کرتے ہوئے کہا کہ وہ زندگی کا نیا باب ان کے ساتھ گزارنے کی منتظر ہیں۔
ٹفنی نے اپنی پوسٹ میں لکھا کہ وائٹ ہاؤس میں فیملی کے ہمراہ تاریخی مواقعوں پر سنہری یادیں سمیٹنا میرے لیے اعزاز کی بات ہے۔
It has been an honor to celebrate many milestones, historic occasions and create memories with my family here at the White House, none more special than my engagement to my amazing fiancé @MichaelZBoulos!Feeling blessed and excited for the next chapter! ❤️ pic.twitter.com/XeoSceoH8N
— Tiffany Ariana Trump (@TiffanyATrump) January 19, 2021
انہوں نے لکھا کہ وائٹ ہاؤس میں میری سب سے بہترین یاد مائیکل سے منگنی کا لمحہ ہے۔
دوسری جانب مائیکل بولس نے بھی انسٹاگرام پر ٹفنی کے ساتھ منگنی کا اعلان کیا اور لکھا کہ میں نے اپنی زندگی کی پہلی محبت سے منگنی کرلی ہے۔
ٹفنی اور مائیکل کی پوسٹ پر ہزاروں کی تعداد میں صارفین مبارک باد کے پیغامات دے رہے ہیں، دونوں کے لیے نیک خواہشات کا اظہار کرنے والوں میں ایوانکا ٹرمپ بھی شامل ہیں۔
واضح رہے کہ ٹفنی ٹرمپ ڈونلڈ ٹرمپ اور ان کی دوسری اہلیہ مارلا میپلز کی بیٹی ہیں، ٹفنی اداکارہ اور ٹی وی آرٹسٹ رہ چکی ہیں، ٹفنی کو شہرت تب ملی جب انہوں ںے ری پبلکن کنونشن میں تقریر کی جس کے بعد ڈونلڈ ٹرمپ نے ان کی تعریف بھی کی تھی۔
