The news is by your side.

Advertisement

ایک اور سیاہ فام کے قتل کی دل دہلا دینے والی ویڈیو وائرل

واشنگٹن: امریکا میں پولیس اہلکار کے ہاتھوں گزشتہ ماہ قتل ہونے والے سیاہ فام کی دل دہلا دینے والی ویڈیو منظر عام پرآگئی، مناظر میں پولیس کو فائرنگ کرتے دیکھا جاسکتا ہے۔

غیرملکی خبررساں ادارے کی رپورٹ کے مطابق امریکی ریاست نیوجرسی میں 23 مئی کو ’میورس گورڈن‘ نامی سیاہ فام کو پولیس اہلکار نے سڑک پر گولی مار کر ہلاک کردیا تھا جس کی ویڈیو اب منظر عام پر آچکی ہے۔

نیوجرسی پولیس اہلکار نے گارڈن اسٹیٹ کے علاقے میں سیاہ فام کو ٹریفک قوانین کی خلاف ورزی پر گرفتار کیا اور اپنی گاڑی میں ہی قید کردیا، میورس کی جانب سے مزاحمت پر اہلکار نے 6 گولیاں مار کر شہری کو موت کے گھاٹ اتار دیا۔

اٹارنی جنرل ’گربر‘ کیس کی تحقیقات کررہا ہے، پولیس اہلکار کے خلاف قانون نافذ کرنے والے اداروں کے احتساب سے متعلق قانون کے تحت مقدمہ درج کرلیا گیا ہے، اٹارنی جنرل نے مذکورہ اہلکار کی شناخت بھی ظاہر کردی ہے۔

سیاہ فام کو ٹریفک قوانین کی خلاف ورزی پر روکا گیا تھا جو بعد میں ہلاکت کا سبب بن گیا۔

Comments

یہ بھی پڑھیں