اہور : دوست محمد مزاری نے اختیارات واپس لینے کا نوٹی فکیشن ہائی کورٹ میں چیلنج کردیا ، جس میں استدعا کی ہے کہ پرویز الٰہی کا اختیارات سلب کرنے کا آرڈر کالعدم قرار دیا جائے۔
تفصیلات کے مطابق دوست محمد مزاری نے اختیارات واپس لینے کے نوٹی فکیشن کیخلاف لاہور ہائی کورٹ میں درخواست دائر کردی۔
درخواست گزار نے مؤقف اختیار کیا کہ ووٹ حاصل کرکے ڈپٹی اسپیکرمنتخب ہوا، پرویز الٰہی اس وقت وزارت اعلیٰ کے امیدوارہیں، وزارت اعلیٰ پنجاب کا منصب یکم اپریل سے خالی ہے۔
درخواست میں کہا کہ پنجاب اسمبلی کاسیشن پہلے 6اپریل پھر14اپریل تک ملتوی ہوا، آئینی اختیارات کے تحت 6 اپریل کوپنجاب اسمبلی کا سیشن طلب کیا لیکن پرویزالٰہی نےغیرقانونی طورپر اختیارات سلب کرلیے۔
دوست محمد مزاری نے استدعا کی کہ پرویزالٰہی کا اختیارات سلب کرنے کا آرڈر کالعدم قرار دیاجائے۔
لاہور ہائی کورٹ میں دائر درخواست میں سیکرٹری پنجاب اسمبلی،پرویزالٰہی سمیت دیگر کوفریق بنایا گیا ہے۔
