17.1 C
Ashburn
ہفتہ, مئی 25, 2024
اشتہار

اسرائیل کی خان یونس اور رفح میں گھروں پر بمباری، 12 فلسطینی شہید

اشتہار

حیرت انگیز

سلامتی کونسل میں جنگ بندی کی قرار داد منظور ہونے کے باوجود اسرائیلی جارحیت رکنے کا نام نہیں لے رہی، اسرائیل نے شمالی غزہ میں حملے تیز کردئیے۔

غیر ملکی ذرائع ابلاغ کے مطابق خان یونس میں بمباری میں بارہ فلسطینی شہید ہوگئے، جبکہ رفح میں گھروں پر بمباری میں تین فلسطینی شہید ہوئے۔

رپورٹس کے مطابق اسرائیلی ٹینکس نے خان یونس میں نصیر اسپتال کا محاصرہ کرکے طبی عملے کوگرفتار کرلیا، اسرائیلی جارحیت کے سبب اسپتال غیر فعال ہوگیا۔

- Advertisement -

الشفا اسپتال میں بھی کشید گی برقرار ہے،اسرائیلی فوج نے اسپتال میں شیلنگ کی۔ قطر کا کہنا ہے جنگ بندی کیلئے مذاکرات جاری ہیں تاہم کوئی پیش رفت نہیں ہوسکی۔

دوسری جانب بھوک و افلاس کے مارے غزہ کے فلسطینیوں کیلئے فضائی امداد بھی امتحان بن گئی۔

امدادی سامان کے حصول کے لئے سمندر میں چھلانگ لگانے والے بارہ فلسطینی ڈوب گئے جبکہ خشکی پر گرنے والے امدادی سامان لینے کی کشمکش میں بھگدڑ سے چھ فلسطینی شہید ہوگئے۔

غزہ میڈیا دفتر کا اس حوالے سے کہنا ہے کہ غزہ کے شمالی ساحلی علاقے میں فضا سے گرائی جانے والی امداد کچھ سمندر اور کچھ خشکی پر گری۔

بحیرہ روم میں گرنے والے امدادی پیکٹ لینے کیلئے سمندر میں چھلانگ لگانے والے 12 فلسطینی سمندر میں ڈوب کر شہید ہوگئے۔

غزہ میڈیا دفتر کے مطابق خشکی میں گرنے والا امدادی سامان لینے کیلئے بھگدڑ مچنے سے 6 فلسطینی شہید ہوئے۔

کراکس ہال حملہ، روسی صدر کا اہم بیان سامنے آگیا

غزہ میڈیا دفتر کے جاری بیان میں کہا گیا ہے کہ شمالی غزہ میں بدترین فاقہ کشی کی صورتحال ہے۔ قحط جیسی صورتحال میں فضا سے امداد گرانا بدسلوکی اور فضول ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں