اسلام آباد : صدر مملکت ڈاکٹرعارف علوی نے کہا ہے کہ موجودہ حکومت کاروبار میں آسانی سے متعلق اقدامات اٹھارہی ہے، کارپوریٹ سیکٹر کو بھی مؤثر کردار ادا کرنا ہوگا۔
ان خیالات کا اظہار انہوں نے اسلام آباد میں تقریب سے خطاب کرتے ہوئے کیا، صدر ڈاکٹر عارف علوی کا کہنا تھا کہ حکومت کاروبار میں آسانی سے متعلق اقدامات اٹھارہی ہے۔
کاروبار میں آسانی پیدا ہونے سے ملک میں سرمایہ کاری بڑھے گی، سماجی ضرورت کے تحت بہتر زندگی کیلئے کام کرنے کی ضرورت ہے۔
کارپوریٹ سیکٹر کو بھی مؤثر کردار ادا کرنا ہوگا، صدرعارف علوی نے کہا کہ وزیراعظم عمران خان نے گلوبل وارمنگ اور ماحولیاتی تبدیلی سے دنیا کو آگاہ کیا۔
