صدر پاکستان عارف علوی نے جشن میلادالنبی ﷺکے موقع پر قوم کے نام اپنے پیغام میں کہا ہے کہ انسانیت کی فلاح یقیناً آپ ؐ کی سنت کی پیروی میں ہے، آپؐ کی سیرت ہم سب کے لیے بہترین نمونہ ہے۔
صدر عارف علوی نے کہا کہ حضور اکرم ﷺ کی سنتوں پر مکمل طور پر عمل کرنا ہوگا تاکہ ہماری زندگیوں میں بھی آپؐ کی تعلیمات کاعکس نظر آئے۔
صدر مملکت نے کہا کہ ملک میں کورونا وائرس کی دوسری لہرکا خطرہ بڑھتا جارہا ہے، جشن میلادالنبیؐ ﷺکے جلوس اور دیگر محافل میں احتیاطی تدابیراختیار کی جائیں۔
انہوں نے کہا کہ گستاخی کے قابل مذمت واقعات پر مسلمانوں میں غم وغصہ ہے، اسلامو فوبیا سے نمٹنے کے لیے آپؐ ﷺ کی حیات اور قرآن کا پیغام عام کرنا ہوگا۔
