site
stats
پاکستان

ڈاکٹر عاصم کیس،رؤف صدیقی کی عبوری ضمانت میں 2 جنوری تک توسیع

کراچی : ڈاکٹر عاصم کیس میں ایم کیوایم رہنما رؤف صدیقی کی عبوری ضمانت میں دو جنوری تک توسیع کردی گئی ہے۔

تفصیلات کے مطابق ڈاکٹر عاصم کیس میں کراچی کی انسداد دہشتگردی کی عدالت نے ایم کیو ایم رہنما رؤف صدیقی کی عبوری ضمانت میں توسیع کی ہے۔ ایم کیو ایم رہنما کو ڈاکٹر عاصم نے کیس میں نامزد کیا تھا، رؤف صدیقی پر الزام ہے کہ ان کے احکامات پر ملزمان کو طبی سہولیات فراہم کی جاتی تھیں.

ان پر ایم کیو ایم قائد الطاف حسین کی تقریروں میں سہولت کار ہونے کا بھی الزام ہے۔ رؤف صدیقی پر مختلف تھانوں میں 24 مقدمات درج ہیں۔

اس موقع پر رؤف صدیقی نے میڈیا سے گفتگو کرتے ہوئے کہا کہ تحفظات کے باجود آج بھی ہم آپریشن کے حمایت کرتے ہیں، کراچی آپریشن بلاتفریق سب کیلئے جاری رہنا چاہیے، حکومت اگر رینجرز کو اختیارات نہیں دے رہی تو امن کی ضمانت دے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top