اسلام آباد : ایف آئی اے نے کارروائی کرتے ہوئے او جی ڈی سی ایل کے 6 افسران سمیت 8 افراد کو گرفتار کرلیا۔
تفصیلات کے مطابق نیا سال شروع ہوتے ہی نیشنل ایکشن پلان کی گونج اسلام آباد میں بھی سنائی دینے لگی، ڈاکٹر عاصم حسین کی نشاندہی پر سینچو رو پلانٹ کرپشن کیس میں ایف آئی اے نے او جی ڈی سی ایل کے اعلی افسران کو گرفتار کر لیا۔
پیپلز پارٹی دور حکومت میں شروع ہونے والا پروجیکٹ نومبر 2015 میں مکمل ہوا تھا ذرائع کے مطابق پروجیکٹ میں سندھ کی اہم سیاسی اور بیورکریسی کی شخصیات ملوث ہیں۔
ایف آئی اےحکام کے مطابق افسران کو خلاف ضابطہ اور بھاری رشوت دے کر من پسند کمپنیوں کو نوازنے اور کرپشن کے الزامات پر گرفتار کیا گیا۔
او جی ڈی سی ایل کے گرفتار افسران میں جی ایم ایس سی ایم روح اللہ حافظ محمد اسلم منیجر ایس سی ایم محمد یوسف جی ایم انچارج ڈیلی رنگ اشرف پٹھان ریجنل کواڈینیٹر حیدر آباد سی بی اے ممبر حیدر آباد ابو بکر فیلڈ منیجر سنچھورو منور عباسی شامل ہیں۔
