The news is by your side.

Advertisement

ڈاکٹرعاصم خودکشی کرسکتےہیں، نفسیاتی تجزیےکی رپورٹ

کراچی : کرپشن کے الزام میں گرفتارڈاکٹرعاصم خودکشی کرسکتےہیں،ڈاکٹرعاصم کےنفسیاتی تجزیےکی رپورٹ اے آروائی نیوز نے حاصل کرلی۔

تفصیلات کے مطابق ڈاکٹرعاصم کی نفسیاتی تجزیے کی رپورٹ پروفیسرسید ہارون نے اوران کی ٹیم نے تیارکی ہے،رپورٹ نیب کے تفتیشی افسرکوبھی ارسال کردی گئی۔

رپورٹ میں کہا گیا ہےڈاکٹرعاصم سخت اعصابی تناؤ کاشکار ہیں،وہ خودکشی جیسا انتہائی اقدام بھی کرسکتےہیں۔ ڈاکٹرعاصم نے ٹیم کوبتایا کہ زیرحراست وہ شدید ذہنی اورجذباتی تناؤ کاشکار ہیں۔

ان کے دل کی دھڑکن بے قابو ہوجاتی ہے،انہیں بارباررونا آتا ہے۔ نیند نہیں آتی،سوجائیں توچیختے ہوئے اٹھتے ہیں۔ رپورٹ میں بتایا گیا کہ ڈاکٹرعاصم گھٹن محسوس کرتےہیں،رعشےکاشکار ہیں اوراکثرجسمانی اعضاءسن ہوجاتےہیں،

ڈاکٹرعاصم نے دعوٰی کیا کہ انہیں کئی کئی دن آنکھوں پرپٹی باندھ کررکھا گیا،انہیں لوگوں کومارنے پیٹنےاوران کےچیخنے چلانے کی آوازیں سنائی گئیں۔

انہیں یقین ہے کہ انہیں ماردیا جائےگا، نفسیاتی تجزیےمیں کہا گیا کہ صورتحال یہی رہی توڈاکٹرعاصم کوناقابل تلافی نقصان پہنچےگا،

رپورٹ میں مشورہ دیا گیا کہ ڈاکٹرعاصم کوچہل قدمی کرنے،کتابیں پڑھنےاورگھروالوں سےملنےکی اجازت دی جائے۔

Comments

comments

یہ بھی پڑھیں